فراموش کردم
اعضای انجمن(109) ارتباط با مدیریت انجمن طریقه آپلود عکس ، فیلم وموسیقی میانالی از نگاهی متفاوت طریقه قرار دادن موسیقی و کلیپ در مطلب
جستجوی انجمن
تانسو2 (tansou2 )    

بایرامیدی گئجه قوشو اوخوردو

درج شده در تاریخ ۹۵/۱۲/۱۸ ساعت 00:42 بازدید کل: 190 بازدید امروز: 184
 

 

"باییامیدی گئجه قوشو اوخویدو

آداخلی قیز بی جویابین توخویودو

هر کس..."

 

 شیرین سسین اییه سینی تاپماقدان اؤترو گؤزلریمی توکانین هر یئرینه دولاندیردیم.بیردن گؤزوم بیر بالاجا قیزا دوشدو،شعری یاواش_یاواش دیل دوداغینین آلتیندا اوخویوردو.من بیر ایکی آددیم اونلارا ساری گئتدیم،یاخینلاشدیغیمی حیس ائدینجه اؤزونو آناسینین دالیسیندا گیزلتدی.

_بالاجا خانیم اولار شعریوی بیرده اوخویاسان؟نه قشنگ اوخویوردون!

هئچ دینمه دن قارا گؤزلرینی اوزومه زیلله میشدی و اؤزون بیرآزدا گیزلتدی.

_آدین نمنه دی؟

آناسی دئدی مارال دی، کیچیییزدی.

_ آلله ساخلاسین.

_ ساغ اولون.

اوشاغی داها راحاتسیز ائتمه دن اؤترو،اونلاردان اوزاقلاشدیم،آمما تام دیقتیم اونلاردا ایدی.

اوست باشلاریندان بللی دی، اوشاقلارخانیمی زورونان چکیب  گتیریبلر بورا !

توکان باسا _باسی دی ،خانیم هئی اویان بویان ائدیردی بلکه توکان بیرآز بوشالا ائله کی ساتیجینین باشی بیرآز خلوتله شدی،خانیم یاواشجا اَییلیب دئدی:قارداش بو اوشاقلارین اینینه پالتار نمنه واریز؟

الینن ایکی اکیز اوغلانلاری و مارالا اشاره ائله دی.

ساتیجی اوشاقلارین اوست باشینا آلتدان یوخاری باخیب، دئدی:خانیم اوغلانلاریز اوچون بو راحتی سئتلر وار بیرینجی جینس دیر،اللی مین ،بوندان آشاغی مارکدا وار اوتوزا چیخیر،البت یوخاری مارکلاردا وار،قیز پالتارلارینا دا اویاندا باخا بیلرسینیز ،اللی میندن توتون گئدین یوخارییا

_: قارداش بونلاردان آشاغی بیر شئی یوخ؟گوجوم چاتماز،اوچونه ده آلام!اوجوزلو اولسون.

_ :بونلار لاپ آشاغی قیمتلریمیزدی ،اوبیری توکانلارا گؤره چوخ آشاغی وئریریک ،گئدیب سوروشادا بیلرسینیز.

_ :باخین گؤرون پالتارلاریزین ایچینده،بلکه زده لی سی اولدو بوندان اوجوز وئردیز گؤتوردوم ،بایراملیقلارینا!!

_ :خانیم فیکر ائله میرم آمما اولسون،باخارام اولسا قویارام قیراغا ،آخیر واخت گلیب آپارارسینیز.

آرواد ساغوللاشیب ،اوشاقلارینین الیندن یاپیشیب توکاندان چیخدیلار.....

 

این مطلب توسط مهدی عزیزی بررسی شده است. تاریخ تایید: ۹۵/۱۲/۱۸ - ۰۱:۰۷
اشتراک گذاری: تلگرام فیسبوک تویتر

1
2
3
4
5
6
1 2 3 4 5 6


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات