فراموش کردم
اعضای انجمن(351) ارتباط با مدیریت انجمن طریقه آپلود عکس ، فیلم وموسیقی میانالی از نگاهی متفاوت طریقه قرار دادن موسیقی و کلیپ در مطلب
جستجوی انجمن
مدیر انجمن: جلال علی اصغری
حاسین (tajtanha )    

شعر ترکی قبیر داشی

منبع : تالیفی
درج شده در تاریخ ۹۲/۰۹/۱۷ ساعت 16:14 بازدید کل: 18160 بازدید امروز: 5
 
مزار داشی شعرلری( شعر های سنگ مزار - ترکی)

 

 

عزیزیم دویمادیم سندن
نه تئز مندن دویوب گئدین؟
اجل گلجک بو قوربتده
منی یالقیز قویوب گئدین.

(اوستاد شهریار)

*****************

نه باخیر سان ،منیم کیمی من باخیردیم ،سنین کیمی

یاتاجاقسان ،منیم کیمی           باخاجاقلار، سنین کیمی

ملا محمد فضولی

*****************

آنا چوخ عزیز دیر،چوخدا مو قدس                    آنجاق اولادیچون صاباح آتادیر

او ئوره ک دیر، جان دیر هم ده قان ، نفس  عائیله ده تک قیبله گاه آتادیر

آتادیر اولادی اؤزو آغ ائدن                آتادیر تپه نی اوجا داغ ائدن

آتادیر ویرانی ، جنت باغ ائدن                   اولادین یولوندا مایاغ آتادیر

گله جکی خوشبخت لیکده گؤره نیم          یامان گؤنده کؤمک اَل وئرنیم

حیات بلدجیسی یول گؤستره نیم                    اَن بؤیوک صنعتکار داهی آتادیر

اولاد گؤردون مجلیس لرده شاخ دورار         آتاسیز اولاد بؤینونو بورار

اولادا وار گونده مجلیس لر قورار                اونون آرخاسیندا، اوداغ آتادیر

آتا سیز بیر کسین اولماز حورمتی                     یاخشی اوغول چکر آتا حسرتی

تئز تئز دوشسون یادا آتا صوحبتی                    آتاسیز چکیلن بیر آه آتادیر

عمی لر، دایی لار دورا یان یانا                   قارداش باجیلار ، جان دئیه سانا

باشیوی دیزینه قوی سادا آنا                    یئنه دار مقامدا پناه آتادیر

*****************

کوچوب گئدون سون منزیله      سنسیز گولمز اؤزوم آتا

سن یانان چیراغیم ایدون          اَن ایستی قوجاغیم ایدون

هم آرخام ، دایاغیم ایدون          سنسیر نئجه دؤزوم آتا

اولومونه ، ائل آغلادی        یئر آغلادی ، گؤی اغلادی

اوجاقیمدا ، غم چاغلادی           دردیم ، دؤزوم دوزم ،آتا

سنین باالان بو حالینان            دوزمه ییره م، یوخلوقونا

کعبه م ، پیریم، مزارینا             قوربان اولوم ، اؤزوم  آتا

*****************

مزارینا دیز کو چه ره ک آغلاردیم       چیچک لری با داشینا باغلاردیم

سونرا گونلی یاماج لارا قالخاردیم        اَلیم چاتمیر، مزارینا آی آتا

حسرتلی یم اؤز یوردوما آی آتا           آی آتا، آی تا، آی آتا

یوخولاردا ، روحونلا گؤرشورم            دیز کؤچورم ، اللرینی اوپو رم

نه دن سنی هر واخت کوسگون گورورم       اولاجاغیم نه دی بیلمم آی آتا

سجده قیلام من روحونا ای آتا           حسرتلی اؤز یوردوما آی آتا

 

*****************

ای وای سنون قصه جانسوزوی هر کس کی اشیتدی

        بیر آه چکیب کوسدی فلکدن سنه خاطر

ای دوست سنون شانسوی هر کس کی بولوردی  

       چوخ آرزولارین آتدی نظردن سنه خاطر

*****************
ئولمه ، توپراقلارا وئرمه رم سنی          یئرین قوللارمین آراسیندادیر
طبیعتی سولاریلا یومارام سنی            سویون گوزمون قاراسیندادیر
*****************

بهار فصلی خزان گلدی باغیما            سولدی آچیلمامیش گوللریم منیم
قارا توپراق چکدی منی کامینا            یاددان چخاتماسین ائللریم منیم
*****************
نئجه راحت یاتاسان بیر گئجه بیزسیز آتا جان

       قوروماز گوز یاشیمیز بیر گئجه سنسیز آتا جان
بیز سنه بولبولی دیک سنده بیزه باغ و چمن

       نئجه بولبول یاشاسین باغ و چمن سیز آتا جان
*****************
غم غصه لر اوره کلری داغلاییب  هجرینده باخ گوزلریمیز آغلاییب
بیز بویالان دنیایا بیر قوناقیخ       حق توشه سین گوزل آتام باغلاییب
*****************
هر بیر اولاده شرف شهرت ایله شأن آتادیر  

       باشا تاج قلبه فرح بخته سلیمان آتادیر
حورمتین ساخلاگینان دایماً عالمده اونون

               چونکی دونیایه سنی بخش ائده ن انسان آتادیر
*****************
سنه گر واضح اولا، اؤلماغیم ای بیکس اوغول       چاغیرین قونشولاری ،آتایا قور بزم عزا
سیز قورون بزم عزا تاکی منی یاد ایلیون             اوخویون سوره الحمد منی شاد ایلیون
*****************
استاد زنده یاد اکبر مدرس اول ) شیوای تبریزی (

بو لحد ده نئجه گور دگدی داشا باشلاریمیز                                                             

دی کی یاد ائیلی یلرگه بیزی قارداشلاریمیز

من حیاتیمدا چالیشدیم ائلیم آزاد یاشاسین                                                               

  دئنه تعقیب ائله سینلر یولو یولداشلاریمیز

جهل قویماز کی چاتا حقینه جاهیل هئچ وقت                                                             

 چوخ چالیشدیق آییلا بلکه وطن داشلاریمیز

جهل دیر ملته بدبخت لیکه علت( شیوا)  

دفع قیلسین لا گرک جهلی بو ائل باشلاریمیز.   

*****************

وورما اَل تربتیمه ؛ تربت آدم ده منم

نه او دونیا ؛ نه بو دونیا ایکی عالم ده منم

نئیلییم پی آپاران اولمادی بو وارلیغیما

عیش و عشرت ده منم محنت و ماتم ده منم

آراما قبریمی ؛ آختارما منیم باش داشیمی

رسم ده حضرت نوح؛ اسم ده خاتم ده منم .

*****************

عومور بویو ؛ نیسگیل ایلن یوللارا گوز تیکیب گئتدیم

بیر کونول لوک محبتین حسرتینی چگیب گئتدیم

تک لیگیمده گوزدن قان – یاش آخیتسام دا ؛ سئوینیرم

انسانلارین دوداغیندا گولوش گولو اکیب گئتدیم .

*****************

میلتیمی گولدورموشم گولموشم 
بختورم اوز یوردومدا اولموشم 
بشیگیمده مزاریمدا بو یورددا 
بو تورپاقا اولرکن جان وئرمیشم 
*****************

بی‌نهایت بو گؤیون آلتیندا
بیزه بیر قبّه‌ی فیروزه ده یوخ!
یانار افلاکده مینلرجه چیراق،
بیزه بیر شمع، بیر آویزه ده یوخ

بو قدر اولدوز آراسیندا بیزه
یئددی گؤیلرده بیر اولدوز یوخوموش!
بؤلدولر قوشلاری عالمده مگر،
بیزه ده چاتدی او آغلار بایقوش؟!

قووالارکن منی هر گون محنت
قاپیمی دؤگمه‌ده‌دیر هر گئجه غم.
هامی آزاده ائلین شاعری وار
من اسیر ائللرین آهشاعری‌یم.

*****************

لای لای گوزوم آغلاما                           اوره گیمی داغلاما

یات یوخون شیرین اولسون                     قلبیمی سن داغلاما

*****************

چیخدیم داغلار باشینا                              یازی یازدیم داشینا

گلن گئدن اوخوسون                               نه لر گلدی باشیما

*****************

آتا جان آلدی الیمدن سنی ظالیم بو فلک

گؤز یاشیم سئل تک آخیر دوزمورو هیجرانه اورک

بیلمه دیم قدرینی من دونیادا اولدوقجا سنین

ایندی حسرتله دوزم آیریلیقا منده گرک

*****************

گئتمیسن سن، قالمیشیق غمده آتا

قویموسان بیزلری، ماتم ده آتا

نه قدر یاخجیلیغیندان دئسم آزدی

یوخ سنه تای بوتون عالمده آتا

*****************

آتا عالمده عجب بیر باهالی نعمتیمیش

سایه سی سایه دگیرمیش برکت رحمتیمیش

حیف اولا گئتدی الیمدن بو ایشیقلی چیراغیم

هر نفس چکماغی واللاه واریمیش دولتیمیش

*****************

قوجاغینا کوچدی آتام ، توپراق آتام امانتین

بیر مرحم قوی یاراسینا  ، توپراق آتام امانتین

قلبینده مین آرزی قالدی ، هله نئچه یازی قالدی

قیزی قالدی قیزی قالدی ، توپراق آتام امانتین

*****************

آتانین تکجه آدی کُل بو دونیایه دئیه ر

آتانین بیر باخیشی مُلک سولیمانه دئیه ر

آتا بیر گولدی گولوستاندا اونا تای اولماز

آتانین عطری بوتون باغ و گولوستانه دئیه ر

*****************

هیجرینین من بالا مجنون کیمی دیوانه سیم

یارالی پیکرینین گؤر نئجه پروانه سیم

سینه نین گوللرینین بولبول مستانه سیم

بولبول آغلار گولونه فصل خزاندا گوزلیم

*****************

حیات دان گئتسمده خاطرات دایام

آرزوما همیشه چاتاچات دایام

اوستومه نه قدر توپراق آتیلسا

ایشیغام یئنه ده من اوست قات داسیام

*****************

قدمین قویسا گؤز اوسته دییرم جان آتاما

چیخاری یوخدو گؤزومون تا اولا قوربان آتاما

ائدیب آسایشی بیزلره خاطیر او حرام

نئجه من آغلامایام حال پریشان آتاما

*****************

نئجه راحت یاتیسان هر گئجه بیزسیز آتا جان

قوروماز گؤز یاشیمیز بیر گئجه سن سیز آتا جان

بیز سنه بولبولویدخ سنده بیزه باغ و چمن

نئجه بولبول یاشاسین باغ و چمن سیز آتا جان

*****************

توپراق ایچینده بیر دوردانا یاتیبدیر

توپراق ایچینده بیر خوش سونا یاتیبدیر

سزون دوزو، ملک اینسان جیلدینده

بوردا بیر مئهریبان آتا یاتیبدیر

*****************

ای آتا گره ک آغلاییم
سن اوچون اوره ک داغلاییم
بو فلک بیزی آییردی
اونا بیر ده بئل باغلاییم؟

*****************

یاشادیم دونیادا من ده بیر موددت

ائتدیم باجاردیقجا نئچه نصیحت

مقصدیم وئرمک ایدی، دوز یولو نیشان

آللاها تاپشیریب، کوچدوم دونیادان

*****************

سنی فرزانه لر آتدی
قاپیپ دیوانه لر توتدو
کیمی آلدی، کیمی ساتدی
یالان دونیا، یالان دونیا

*****************

زییارتدن موراد دوعادیر
بوگون منه، یارین سنه دیر
*****************
آغلارسا بالا آغلار
ازگه سی یالان آغلار
*****************
جاهاندا کیمسه قالماز، جومله فانی
قالیر ایتامینا آه-و فغانی
*****************
عاقیبت سن ده گلیرسه ن بو صیراطین باشینا
حضرت-ی آدم کیمی گیرسه ن هزاران یاشینا
کیمسه یه باقی دئییلدیر بو جاهان ظیلل-ی خیال
غفلت ایله آلدانیب مئیل ائتمه قلب نققاشینا
عاقیبت اولسان گره کدیر سن ده محتاج-ی دوعا
اوخو بیر قاچ فاتیحه، بخش ائیله دین قارداشینا
ائی برادر باخ منه، یئتمه ز می هئچ عیبرت سنه؟
شمع ی نامیم بیر نیشان اولدو مزاریم داشینا
*****************
بیر گول ی دونیا ایدیم اصلینده من
ایشته قوندوم خاک-ی قبره من ده تن
بیر وفاسیز، اصلی یوخ دونیا ایمیش
ائیله دیم کام آلمادان ترک ی وطن
هاردا قالدی بونجا آلاییشلاریم
؟ یاشیندا گییدیکده کفن
من غریبه م، گلدیم ائی ربب-ی غفور
مغفیرت قیل منی، لوطف ائیله سن
*****************
بو مزارلار درس ی عیبرت یئرلری
غفلتی آت، گور الومو، الومو
گور نیشانسیز یاتان سولطان ارلری
قولاغین آچ، دوی الومو، الومو
جان ملکه یی تسلیم آلمیش جانلاری
معمور ایکن ویران اولموش خانلاری
هم چوروموش تورپاق اولموش تنلری
سویله شیرلر، بیل الومو الومو
*****************
یا رب بو نه الوم، بو ناصیل ظولوم
آه دیییب ده آغیر باشلار آغلاییر
چیچه یی بورنوندا، سولان بو گولوم
تورپاغا قاریشان ساچلار آغلاییر

جان دایانیر می بئله بیر زارا
قالدی قییامته منده کی یارا
دور مزارچی، قازما وورما مزارا
سن گرمه زسین داشلار آغلاییر

اتمه بولبول اتمه باغلار یاسلیدیر
بوگون آردانوشدا چایلار یاشلیدیر
قالان بیر کرمدیر، گئده ن آسلیدیر
اووالار، یایلالار، کشکلر آغلاییر

افکاری سن غمسیز قالمازسین بیر گون
اورتادا بیر تابوت، بو ناصیل دویون
هر کیمین اوزونه باخدییسام بو گون
چکیلیر اوره کلر، ایچلر آغلاییر

(افکاری)
*****************
بیز دونیادان گئده ر اولدوق
قالانلارا سلام اولسون
بیزیم اوچون خئییر دوعا
قیلانلارا سلام اولسون

اجل بوکه بئلیمیزی
سویله تمه یه دیلیمیزی
خسته ایکن حالیمیزی
سورانلارا سلام اولسون

تنیم اورتایا آچیلا
یاخاسیز گومله ک بیچیله
بیزی بیر آسان وجهیله
یویانلارا سلام اولسون

صیلا وئریله قصدیمیزه
گئده ر اولدوق دوستوموزا
ناماز اوچون اوستوموزه
دورانلارا سلام اولسون

آشیق یونوس سویله ر سوزون
یاش دولدورور ایکی گؤزون
بیلمه یه نلر نه یی بیلمیش
بیله نلره سلام اولسون
—————————-
گلدی گئچدی عؤمروم منیم
شول یئل اسیب گئچمیش کیمی
هله منه شؤیله گلدی
گؤزوم یوموب آچمیش کیمی

ایشته بو سؤز حاق تانیقدیر
بو جان گؤوده یه قونوقدور
بیر گون اولا چیخا گئده
قفسدن قوش اوچموش کیمی

بیر خسته یه واردین ایسه
بیر ایچیم سو وئردین ایسه
یارین آندا قارشی گله
حاق شارابین ایچمیش کیمی

یونوس ائمره بو دونیادا
ایکی کیشی قالیر دئرلر
مگر خیضیر ایلیاس اولا
آب ی حیات ایچمیش کیمی
*****************
بیر چیچک ایدیم دونیادا
آچامادان قیریلدیم
*****************

سن ده ایسته ردین ایشیقلاندیراسان ائل یولونو
اولان اینسان ییخیلاندا توتاسان ساغ سولونو

الده میفتاح-ی فضیلت چالیشیردین بلکه
آچاسان درده گیریفتار اولانین ال قولونو

اوستومه اسدی یامان یئل، نئجه کسدی خولومو
قیشا دنده ردی یازیم، قازدی قوپارتدی کولومو

ائل اوبا چوخ دا گلیب آغلاییب اسکیلتدی غمیم
ولی من چوخ سئویره م سنسیز اولاندا الومو

*****************

سن گئده رسه ن آدین قالار
دوستلار سنی خاطیرلایار
دویون اولار، بایرام اولار
دوستلار سنی خاطیرلایار

*****************

گلیملی گئدیملی دونیا،

سون اوجو اؤلوملو دونیا

این مطلب توسط نویدصالحی بررسی شده است. تاریخ تایید: ۹۲/۰۹/۱۷ - ۱۷:۳۲
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات