فراموش کردم
اعضای انجمن(413) صفحه اصلی انجمن
جستجوی انجمن

من سنی اونودا بیلمیرم ، آخی ،(نصرت کسمنلی دن بیر گؤزل شئعر)

منبع : هامیسی سئوگیدن دیر کیتابی
درج شده در تاریخ ۹۲/۰۶/۱۴ ساعت 09:44 بازدید کل: 516 بازدید امروز: 313
 


 

من سنی اونودا بیلمیرم ، آخی ،
اونوتسام نه لری اونودام گره ک ،
گؤیلره باخمیشیق آیلی گئجه ده
اونوتسام ، گؤیلری اونودام گره ک .
.
دنیزی اونودوم ، یا دالغالاری ،...؟
خاطیرن یادیمدان چیخایدی، باری ،
پاییزدا خزانی ، قیشداسا  قاری ،
باهاردا گوللری اونودام گره ک .
.
دئه ، نئجه اونودوم من سنی نئجه ،؟
سئوگی دورنا دئییل پاییزدا کؤچه ،
یوخوما گلیرسن منیم هر گئجه ،
آیلاری ، ایللری اونودام گره ک .
.
سنین خیالیندیر حسرتله باخان ،
آدیندیر هر ساعات قارشیما چیخان ،
قاریشیب شکلینه گؤزومدن آخان ،
یاغیشی ، سئللری اونودام گره ک .
.
سینه مده پئشیمان اوره ییم قالدی ،
اوچدون ، اللریمده له له یین قالدی ،
نه لری ایتیردیم ، باخ نه ییم قالدی ،
نه لری ، نه لری اونودوم گره ک .

-----------------------------------------------------------------
شئعر : نصرت کسمنلی
این مطلب توسط اسماعیل مختاری بررسی شده است. تاریخ تایید: ۹۲/۰۶/۱۴ - ۲۰:۳۰
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (1)