فراموش کردم
اعضای انجمن(323) انجمنین قانون لاری اؤنه ری (پیشنهاد)، انتقاد سؤزلوک تانیتیمی
جستجوی انجمن
مدیر انجمن: ائلی میانالی
ائلبان 68 (sprit )    

قورخو...!

منبع : اؤزوم
درج شده در تاریخ ۹۴/۱۰/۲۶ ساعت 17:15 بازدید کل: 321 بازدید امروز: 1
 
سویوغون قاباغین آلسین دئیه پنجره‌یه توتولان نایلون شاققیلداییردی!
بالکون‌دان آسلانان لامپین یئل‌ده ترپنمه سیندن اوتاغی هردن بوغوناق قارانلیق و هردنسه گوجسوز ایشیق بورویوردو!
پونج (سوبا) بوروسونا گوج‌له تپیلن یئل کولک قورخونج کوشولتویله بورودا فیرلانیردی و قاز گوجویله یانان پونجون اودو تیتره‌ییردی!
اؤلو کیمی باشینی دووارا سؤیکه‌ییب یاریمچیلیق اوزانان اوغلانین سول الینده اولان جئب تئلفونوندان اوزونتولو سسله اوخویان سئزن اوتاغی باشینا آلمیشدی و ساغ الینین بارماغی کیتابین آراسیندا اولاراق مورگوله‌ییردی!
یوخویلا اویاقلیق آراسیندا صادیق هیدایتین خنزر پنزریندنبئینینده یاراتدیغی آداما بنزر بیریسی اوزونو اوزونه دایامیشدی و قانجیقجاسینا اوجادان گولوردو! چیرکین و اوزون توکلو اوزونو و ساری دیشلرینین آراسیندان چیخان ایستی نفسینی اوزونده دویماقدان اوجا و درین نفسله دیکسیندی و توکلری بیز بیز دوردو! هئچ بیلمه دی هاچان سئزنین انگین باسیب و یورغانینی باشینا چکدی! گؤردویونو بیرده گؤرمه‌سین دئیه گؤزلرینی برک سیخمیشدی و تیر تیر اسیردی...!
زنگلی ساعاتین دینگ دونگوندان یوخودان اویاندی و گیجه‌له گیجه‌له اؤزونو قاپینین یانینداکی آینایا یئتیردی!شیشمیش گؤزلرینه باخاراق گئجه‌کی اولایی دؤنه لرجه بئینیندن کئچیرتدی!
باشینی توولایاراق گولومسوندو.
"قارا باسیرمیش" دئدی...!
باخیشینی آینادان چئویریب و قاپینین پنجره‌سیندن حه‌یه‌طه تیکدی یئل یاتمیشدی و قار آچمیشدی!
گئجه یاخشی قار یاغمیشدی و هر یئری بوروموشدو!
تکجه قار اوستونده پیلله‌لردن باشلانیب و حه‌یط قاپیسیندا قورتاران قویون آیاقلارینین ایزینه بنزر ایزلر دوغال دئییلدی...!
 
"امین ناصری (ائلبان)"
این مطلب توسط ائلی میانالی بررسی شده است. تاریخ تایید: ۹۴/۱۰/۲۸ - ۰۹:۴۷
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم