فراموش کردم
اعضای انجمن(461) ارتباط با مدیریت انجمن طریقه آپلود عکس ، فیلم وموسیقی میانالی از نگاهی متفاوت طریقه قرار دادن موسیقی و کلیپ در مطلب
جستجوی انجمن
پاشانصیری (pasha-nasiri )    

آی گؤزوم بو دنیا حسابسیز دگؤل

درج شده در تاریخ ۹۹/۰۴/۲۱ ساعت 21:55 بازدید کل: 211 بازدید امروز: 211
 

 مشهد رحمان چتین اولدی روزگار

کورانا اولوب دشمنی آشکار

ایله بیل آلاجاق الدن هرنه وار

محبتی لاپ گیچردیب والادان

آنا دوشمور یوخون قور خوربالادان ‌

 

یادوندا وارال ویریب گوروشردیک

قوجاقلاشیب باهم بیز اؤپوشردیک

دئیب دانیشاردیق حی گؤلؤشردیک

بیزه تمام ائتمیشدی حق نعمتین

او نعمتین بیز بیلمدیک قیمتین

 

بوغازدا قورویوب ایندی تؤپؤرجک

آغیزدا ماسک وار اللرده الجک

باجی اؤز قاداشین تنگده گؤرجک

جرئت ائتمیر دانیشماقا دایانا

قورخوسوننان فوری قاچیر اویانا

 

یادوندا وار طویلارداکی قیل وقال

بیری ساز چالاردی بیریسی قاوال

درخواست ویرردیلراوردادال بادال

موج ویرردی جماعت قایناردی

هامی باهم دوشردی اوینییاردی

 

یادوندا وار قلبیمیزی داغلاردیق

بیری اؤلنده اونا عزا ساخلاردیق

نوحه خان اوخوردو نجه آغلاردیق

گوزدن یوزه گؤزیاشی دوزولردی

یوزوموزدن آخاردی سوزولردی

 

یادوندادی ختملرده شوربالار

سینی سینی گیرداکانلی خورمالار

نارگیلینن تزئین اولان حالوالار

اؤلولرکی محروم اولدو حالوادان

بیزیم ‌الیمیز چیخدی شوربادان

 

یادوندادی شورالارین مجلسی

سلیمانان فرمانان مشهد ایسی

جعبه جعبه موزو کیکی ساندیسی

مجلسین ایچینده گزدیریردیلر

اولار بیزی نجه ازدیرردیلر

 

بیله دئییم یامان دوشدوک تورابیز

غریبانه گیدجییک گورا بیز

بیرده ایکاش قاییدیدیق اورا بیز

یوخودو قورخودان اوزامان بیزی

گؤرنده اؤپودوک بیر بیریمیزی

 

بیرسؤزو سنه دئیم ایندی حجابدان

آروادلار یوزونه سالان نقابدان

بوسوزافضل بیرسوزدی بیرکتابدان

بس ائشتمک اولسا اگر نییتون

اولسون بو سوزومه بوگؤن دقّتون

 

بیزیم حاقیمیزدی اولاق گرفتار

کورانین چتین دردینه دچار

هر دیاردا گناه اولسا آشکار

آلاه او دیاردان اؤزون دوندرر

اورانین اهلینه بلا گؤندرر

 

گؤزوم بو دنیانی آلمیشدی گناه

بیر عدده نین حقی اولموشدو تباه

قبول ائدک ائلمیشیک اشتباه

هر بیر اشتباهین واردی قیمتی

گرک تمام ویریسین خسارتی

 

قرآن بویوروردی بشر دینج اوتی

دینج اولماسون حاقین بلاسی دوتی

یاشیدا یاندیرار قورونو اوتی

اوجوز ساتیلمیوز چوخدی قیمتوز

حلاله حرامه اولسون دقّتوز

 

نامحرمنن ال ویریب گؤروشمیون

اوزگه ناموسیلان سیز اؤپوشمیون

اوشادلیقاخوش اولوب گؤلوشمیون

اوشادلیقین دالیندا وار بلاسی

ایله بیر بلادی یوخدی چاراسی

 

غفلت یوخوسوننان اویانمادیق بیز

او قرآن دیینه اینانمادیق بیز

پیس ایشلری یئره قویانمادیق بیز

بو دنیانین مالیننان بیز دویمادیق

غیرته عفته حرمت قویمادیق

 

آرواد باسدیر مادی ازون دوداغین

کیشی بورامادی اونون قولاغین

سؤوندیردیک حجابین بیز چراغین

حاققیمیزدی بو محنتده آغلیاق

آرواد کیشی آغزیمیزی باغلییاق

 

آی گؤزوم بو دنیا حسابسیز دگؤل

هر خیر عمل یقین صوابسیز دگؤل

هر شر عمل بله جوابسیز دگؤل

قانون واردی قولاغدان آسدیراللار

گؤر  آغزووی زورونان باسدیراللار

 

(پاشا) سنه حق ویریب بو مجالی

حق سؤزولن سالیبسان قیل و قالی

آروادلار اؤرتسلر او قدیم شالی

قدیمکی تک باسدیریلسا دل دوداق

والآه نه ماسک ایستر نده ال یوماق

این مطلب توسط محراب عبوسی بررسی شده است. تاریخ تایید: ۹۹/۰۴/۲۲ - ۰۰:۵۶
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (0)