فراموش کردم
اعضای انجمن(461) ارتباط با مدیریت انجمن طریقه آپلود عکس ، فیلم وموسیقی میانالی از نگاهی متفاوت طریقه قرار دادن موسیقی و کلیپ در مطلب
جستجوی انجمن
پاشانصیری (pasha-nasiri )    

کیم گیدجک چوریه

درج شده در تاریخ ۹۹/۰۳/۲۹ ساعت 23:28 بازدید کل: 35 بازدید امروز: 35
 

بیر کیشنی گوردوم قلبیم آلیشدی

آدین گتیمیرم چونکه تانیشدی

او کیشی بو سوزو منه دانیشدی

من دئدیم کی اونا حالون نجه دی

او دئدی ایشیق گون منه گجه دی

 

بیر الده عصاییدی بیر الده چؤرک

دئدیم بو سوزونن آلیشدی اؤرک

دایان بوردا بیراز دانیشاق گورک

مشگولون هارداندی ندی ایرادون

مگر یوخدو اؤیده قیزون آروادون

 

بو سینی ده اولار شخصین کمکی

چوله چیخسا بیراخیلماز بیلکی

هارا آپاریسان سن بو چؤرکی

سنون احتیاجون واردی کومکه

بیر آروادان قیزدان یوللا چؤرکه

 

ساخلیا بیلمیسن الده دایاغی

کیمه یاندیریسان سن بو چراغی

کیمه خاطر آتیسان بو آیاغی

ییخیلارسان گلر ئره کوریون

قوجا واختی سینار قیچون بیلیون

 

بیلدیم سوزوم اوناچوخ گلدی آغیر

گوردوم منه یامان غضبلی باخیر

احساس ائتدیم گؤزلرینن قان آخیر

دئدی گیت کنارا کسمه یولومی

بر ایش گورمه قوزویام بو قولومی

 

باشوندا عصانی قویما اوینادیم

یوخدو منیم کوچکترین ایرادیم

اؤیده ایکی قیزیم وار بیر آروادیم

سنینکیمین انسانلاری گورورم

ایشیق گونوزو من قارا بیلیرم

 

خلقه بوگون عالم بیلمه ازووی

باشارمیسان دانیشدیقون سوزووی

منن قاباق سن یوموبسان گوزوی

من گوزومو یومدوم گؤرمییم گناه

سن گوزلری آچیق ائتدون اشتباه

 

سوزو دئدی چکدی اوزون قیراغا

گیچدیم اوننان دوردوم قاخ قاباغا

دئدیم ال آپارسون حتی پوچاغا

بیلمسم من اگر قلبونده نه وار

سنون بو یولوننان اولمارام کنار

 

ائدنمدیم معنا سنون سوزؤوی

باغیشلا اینجیدیم بوگون اؤزووی

اویان بویان دوندرمه اؤزووی

دئییبلر کیچیکدن گر اولسا خطا

بیوکلر باغیشلار ائلییر عطا

 

من شاعرم ایشیم بودی سوزیازام

ایشیتدیگیم هر بیز سوزه اوز یازام

گرک دؤز ائشیدم سوزو دوز یازام

سن اگرآستارین دوزوئرسون سوزون

منده دؤز چکرم یقیناً اوزون

 

قوجا بیر آز دقت ائدیب اوزومه

دایاندی یوز یوزه باخدی گوزومه

دئدی بس سن مشتریسن سوزومه

چوخ شاعرلر گلیب منن سوز آلا

فکر ائدرم که سن قالیبسان دالا

 

نیلیمکی اخلاقون چوخ گلیر خوشا

قیمیرام الووی چیخاردام بوشا

دئییرم شاعردی گلیب سوز قوشا

شاعرلر. سوز . منبه سیدی اؤزلری

هامی یئرده درده دگیر سوزلری

 

شاعرسن خاطرون منه عزیزدی

سوزلرون  روح غذاسیدی. لذیذی

آذربایجان آی قارداش اولکمیزدی

سالانمرم سنی الی بوش یولا

قلبون منن بویئرده محضون اولا

 

بیر کلمه دئییرم بیلسن هامیسین

کیشینن تانیلار اوین قاپیسین

انسان گرک عزیز دوتا ناموسین

بونناندا چوخ محتاج اولام کومکه

گنه قویمام قیزیم گیده چورکه

 

گوزوم قیزیناندی اوون هر ایشی

قیز چوره یه گیتسه سینار ارزشی

اولارکی آدلارین قویوبلار کیشی

حتی محتاج اولسالادا کمکه

گرگ اوزلری گیدلر چؤرکه

 

شاعرقارداش درک ائلدون سوزومو

بو دردی اینجیدن منیم اوزومو

محروم ائدن بو ایشیقدان گوزومو

ایچیمده یاندیریر منی سوزلریم

ایشیق گونو قارا گؤرور گؤزلریم

 

قویوبسان ازووه سن شاعر آدی

شاعر یعنی دانیشیقین استادی

هاردا گوردو گرک یازا ایرادی

گل منن وئرگینن کورک کورگه

باهم دییک کیم گیدجک چورگه

 

شاعر (پاشا) سوزه عنایت ایله

من قوجییام منن حمایت ایله

ازونده البته رعایت ایله

احتیاجون حتی اولسا کمگه

ازون گیت قیزی یوللاما چورگه

 

 

این مطلب توسط میثم عظیمی. بررسی شده است. تاریخ تایید: ۹۹/۰۳/۲۹ - ۲۳:۵۷
اشتراک گذاری: تلگرام فیسبوک تویتر
برچسب ها:



لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (0)