فراموش کردم
اعضای انجمن(461) ارتباط با مدیریت انجمن طریقه آپلود عکس ، فیلم وموسیقی میانالی از نگاهی متفاوت طریقه قرار دادن موسیقی و کلیپ در مطلب
جستجوی انجمن
پاشانصیری (pasha-nasiri )    

نچتیندی قوجالیق

درج شده در تاریخ ۹۹/۰۳/۱۵ ساعت 23:56 بازدید کل: 230 بازدید امروز: 230
 

 دئیرم آی حاجی رحمان نچتیندی قوجالیق

اولمشام ایندی پشیمان نچتیندی قوجالیق

 

گؤگلؤم ایستیردولانام کوچه لری یولداشینان

گؤنؤمؤ منده سووام بیسکوویتیلن آشینان

ولی نیلیم کی یاراشمبر منه بو آغباشینان

باخورام صاق صولاحیران نچتیندی قوجالیق

 

ویریرام زورچاتا بیلمیر گؤجؤم آخرگؤجؤنه

منی محتاج ائلییبدی قوجالق الگؤجؤنه

باشیمی بیرگؤنؤتؤک تک ویرجک اؤلگؤجؤنه

چاتاجاق عمرؤمه پایان نچتیندی قوجالیق

 

 

گیجلرصبحه کیمین هیچ یوخوگلمیرگؤزؤمه

یوخلاسامداگؤرؤسن دیکسیِنیرم اؤز اؤزؤمه

اؤز ایالیمده اؤوؤمده داخی باخمیرسؤزؤمه

سؤزؤمؤ فرض ائدیرحزیان نچتیندی قوجالق

 

نچه گؤنلردی گیجیلن گؤنؤزؤ من قاتیرام

یعنی سندن اوزاق اولسون مریضم قرص آتیرام

چؤله چخماخلِقیم حتی کی یوخومدویاتیرام

اؤو اولوبدو منه زندان نچتیندی قوجالیق

 

اختیاریم داخی یوخدو اؤز اؤومده اؤزؤمؤن

اعتباری یوخودو کیمسه یانیندا سؤزؤمؤن

ننه سین دانلییر اوغلوم قباقیندا گؤزؤمؤن

گؤرؤرم قلبیم اولور قان نچتیندی قوجالیق

 

منکی گل دنده آغیر سؤزدئمدیم قایناناما

جان دییردیم چاغیران وقته اؤزوم من آناما

ولی افسوس کی اولوبدواؤزایشیم گؤن ساناما

گؤزلریم یاش تؤکؤر هرآن نچتیندی قوجالیق

 

آتامین منکی تیکردیم گؤزؤمؤ گؤزلرینه

باش ائیردیم گجه گؤندؤزمن اونون سؤزلرینه

خدمتیم هرآن اولاردی اولارین اؤزلرینه

منه تنگ اولدی بومیدان نچتیندی قوجالیق

 

منی سالدی بو فلک گؤرنه اویونان اویونا

اوکی قلبیمده اونون نقشه چکردیم طویونا

یول گیدن وقتیده حسرتله باخاردیم بویونا

ایلییرگؤرنجه طوفان نچتیندی قوجالیق

 

 

منی خام لاتدی اوگؤن مؤلکؤمؤسالدیم آدینا

ساتدی نقد ایلدی ایندی منی سالمیر یادینا

نجه گؤرشئیلر آلوبدی قیزینا آروادینا

باخورام دیده سی گریان نچتیندی قوجالیق

 

هله باخ قلبیمه تیر محنی ساشماقینا

سؤزؤن اؤستن گؤتؤرؤب پرده سؤزؤ آشماقینا

منی گؤرجک او دئیر باخ ننه مین باشماقین

ا ایتمیسن مؤشگؤلؤن آسان نچتیندی قوجالیق

 

وای منه خشله مدیم پولاری قویدیم قیراغا

قویمادیم نفتی دویونجان تؤکه آرواد چیراغا

گؤندَرَردیم سودان اؤتری اونی هرگؤن بیلاغا

اولمیشام ایندی پشیمان نچتیندی قوجالیق

 

بو بؤیؤک دنیا بیله فکر ائلییردیم داریدی

اؤوه سو چکمدیم حتی که پولومدا واریدی

قیشدا یولاردیم اونی من سؤوا هریئِر قاریدی

غصّه لرایندی ویریرسان نچتیندی قوجالیق

 

باخورام من اوکمانتک ائیِلن قامتینه

دئیرم حیف اولا بو اؤده اونون زحمتینه

وای منه من اونو قویدوم گلنین مینّتینه

گجه گؤندؤزائدیرافغان نچتیندی قوجالیق

 

بیلمدیم من اؤزؤم ایتدیم بیله ظُلمی علنی

اؤزؤمه آروادیما قوردوم اوگؤن بو تلنی

قویسالار نیلییرم قبره بو حالیله منی

داخی جبرانه یوخ امکان نچتیندی قوجالیق

 

آی جوانلار بونصیحتلی سؤزؤ یازدی(پاشا)

اودا قورخورتوخونا شیشه ای عمرؤبوداش

ا تاب ائده بیلمیه بو غصه لی میداندا آشا

اودی کی سؤلیؤرهرآن نچتیندی قوجالیق

ASHAR_PASHA@

 

این مطلب توسط محراب عبوسی بررسی شده است. تاریخ تایید: ۹۹/۰۳/۱۶ - ۰۹:۱۱
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (1)