فراموش کردم
اعضای انجمن(461) ارتباط با مدیریت انجمن طریقه آپلود عکس ، فیلم وموسیقی میانالی از نگاهی متفاوت طریقه قرار دادن موسیقی و کلیپ در مطلب
جستجوی انجمن
پاشانصیری (pasha-nasiri )    

اورا

درج شده در تاریخ ۹۹/۰۲/۲۸ ساعت 22:17 بازدید کل: 124 بازدید امروز: 124
 

 آی منیم وطنیم آی منیم گؤزؤم

آی منیم آغزیمدا لذّتلی سؤزوم

آیریلیقون مندن آلیبدی دوزؤم

بو غربت مکاندا گتیریب جانا

فرقتوندن دؤنؤب گؤزیاشیم قانا

 

آی منیم قلبیمده آرزو داغیم

آی منیم بیر گؤزل چیچکلی باغیم

غربت ایلده یانیب دیلیم دوداغیم

کیمسه یوخدو منیم دردیمیبیِله

فراقؤنده آخان گوزیاشین سیِله

 

سندن آیریلانی گؤنوم قارادی

هیچ بیلمرم یئریم یوردوم هارادی

سیزیلیر اؤرئییم یانیر یارادی

ایشیدنده سؤرگونلیگین آدینی

ایتیریرم غذالارین دادینی

 

 

الله قویسا غم غصه نی آتارام

گیجه نی گؤندوزو باهم قاتارام

تلاش ائدیب مقصدیمه چاتارام

شهریار تک اوجالدارام آدووو

دیریلدرم اؤرک لرده یادوو 

 

ائشیدنلر باور ائدؤن سؤزومه

یالان دئسم توپراق دولسونگؤزؤمه

بیر آغ سقال دانشیردی اؤزؤمه

توخون موشدو آیاغینا داش اونون

النیردی گؤزلریندن یاش اونون

 

دئیردی حیف اولا بیلمشم صورا

غریبلیگ آدامی سالیرمیش تورا

بیرده یولوم دؤشسه قییدسم اورا

اورا یعنی کندیم وطنیتم منیم

زمیم یونجام باغیم چمنیم منیم

 

اورا یعنی اوینادیغم داغ دره

اورا یعنی بیر طبیعی منظره

اورا یعنی شیرین شربت بال کره

اورا نین قدرینی بیلرم اؤزؤم

توز لانان داشلارین سیلرم اؤزؤم

 

اوردا آنام منی آلیب قوجاقا

اوردا منن قویوب دوداق دوداقا

اوردا ایاق دوتدوم دوردومر آیاقا

اودیر توپراقیندان یغیلمیر گؤزؤم

همیشه اولوبدی بیرشیرین سوزؤم

 

فلک منیم ازیبدی ال قولومی

دیار غربته سالیب یولومی

تانمازلار آلیبدی ساغ صولومی

دانیشدران یوخدو منی بیر کلام

سلامیم آلمیلار وئرمیلر سلام

 

آی دره لر آی تپه لر آی داغ لار

آی زمیلر آی یونجالار آی باغلار

اهل وطن آی قارالار آی آغلار

گلون غم غصه دن قوتارون منی

اؤزؤزون یانوزا آپارون منی

 

روزگارین ئؤزو اولیدی قارا

آنام منی اوردا گتیرب بارا

وطنسیز هارام وارگیدیم من هارا

تحویل آلان اولماز منیم سؤزؤمو

هارا گیدسم دانییاللار اؤزومو

 

قوجالدیم غربتده آغاردی باشیم

سنسیزقانا دؤنوب منیم گؤزباشیم

سن سن وطن آتام آنام قارداشیم

رحمون گلسین گؤزدن آخان یاشیما

محبت الوی چک بیر با شیما 

 

گچیب عمریم النیبدی الگیم

خسته دی ایاقیم الیم بیلگیم

اوگؤزل تا نریدان بودیر دیلگیم

سینوین اوستی بیر اولا یاتاقیم

خستیم دینجه الیم ایاقیم

 

من (پاشیام) آرزوم وار آی آقا

غربت یوروب دایانمیشام دایاقا

بوسوزلری یازمیشام بو سایاقا

غریب لرین درد دلی بیِلنه

بوتوزلانان گؤزگؤ بیر گؤن سیلینه

ASHAR_PASHi@

این مطلب توسط میثم عظیمی. بررسی شده است. تاریخ تایید: ۹۹/۰۲/۲۹ - ۰۰:۱۹
اشتراک گذاری: تلگرام فیسبوک تویتر
برچسب ها:



لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (5)