فراموش کردم
اعضای انجمن(351) ارتباط با مدیریت انجمن طریقه آپلود عکس ، فیلم وموسیقی میانالی از نگاهی متفاوت طریقه قرار دادن موسیقی و کلیپ در مطلب
جستجوی انجمن
پاشانصیری (pasha-nasiri )    

بالالاریننان راض أتا

درج شده در تاریخ ۹۸/۰۹/۱۹ ساعت 23:23 بازدید کل: 144 بازدید امروز: 144
 

بالالاریننان راضی آتا


بیر آتانین گلون ائشیدک سؤزون
تازه لیکده توپراق اؤُرتوبدوگؤزون
هله توپراق آلتا ایتیرمیر اؤزون
نگراندی غم اوتونا آلیشیر
قبر اؤووندن بو سؤزلری دانیشیر

گرچه توپراق اؤرتؤب اونو ن یؤزؤنو
عالم معناده دئیِیر سؤزؤنو
وئریر نشان خلقه یولون دؤزؤنو
نهان قالان سؤزؤ عیان ائلییر
قبرین ماجراسین بیان ائلییر

دئییر اوغلوم دُزؤن بوگؤن موحنته
حلال ائدون سالدیم سؤزو زحمته
نائل اولدوم شکر اللّها رحمته
اؤلن وقته گلدی ایکی فِرشته
یازدیلارکی گیتملییم بِهشته

سؤزو دئییم اولمییاسوز نگران
آیریلیقیم سؤزه گلمسین گَران
وئره جّییم یوخ بیرکَسه بیر قِیران
دیریلیکده حسابیمی ائتمیشم
الله دئین یولارینان گیتمیشم

خومسومووئرمیشم گیدمیشم حاجا
هاردا گؤروب سفره آچمیشام آجا
دنیادان چاتدمیشام بو تخت وتاجا
اورگت میشدیم ذکر دییه دیلیمه
گجه گوندوز فکر ائلردیم اولومه

الله سؤزدن نعمت لرین آلماسین
غم بولودی سیزه سایه سالماسین
خلق ایچینده ایشوزدالی قالماسین
رحمت قاریاغشی یاغسین داموزا
قبر اؤوندن دعا گویم هاموزا

منکی گیتدیم یلیک اولوز آنوزدان
قویمیاسوز او آیری دؤشه یانوزدان
خلق ایچینده عزیزدوتون جانوزدان
گؤزلیؤز او مندن صورا داریخار
ایندیه جان قاریخ مییب قاریخار

بیرده تِیزقوتارون گیدسین بو یاسی
اگنوزدن چیخاردون قارا لباسی
قارا لباس دَگول. ایشین اساسی
اصل مطلب بودی قدریم بِیلینه
مندن صوراد اؤیده صفا گورؤنه

اؤوومده آغیزلار دولی داد اولا
اوغلوم قزیم مندن صورا شاد اولا
اوشادلیقدا مننده بیر یاد اولا
اؤز آروزدا حل اولا هر مسئله
روحیم گلیب سؤزو گؤره دینجله

بیرده تیِز بؤلرسؤز بوقالان مالی
یاخشی دگؤل ایشین قالماقی دالی
شیطان آرالیقا تفرقه سالی
فاسد ائدر قلب لرده نییتی
ویریشدیرار بیر بیرینه مللتی

بیرده چوخ اولمییون اوغول دیده تر
سعی ائلییون اینجمه سین بیرنفر
نوحه خانا دئیون اوخو موختصر
لازم دگول اؤرک لری داغلییا
حتما گرک ملت منه آغلییا

خوشدو اگر باخسوز منیم سؤزومه
الله خلقی دعوت ائدیر دوزومه
جوانلیقدا ایشلمیشم اؤزومه
اوروجومو دوتوب قیلمیشام نماز
سوزؤن گؤزیاشوز ا یوخومدو نیاز

باغیشلاردیم خلقه مالیمین چوخون
اؤزگه لر مالینا گیتمزدیم یوخون
ساچاردیم قلبیمه چتینلیکد اوخون
چتین چتین ایشی اؤزوم گورردیم
حاساند ایشی یولداشیما وئرردیم

او زمانکی گتده بوغدا بیچیردیم
اوزحقمدن اؤزگه لره گیچردیم
حلال مالی حرام مالدان سیچردیم
یالان دانیشمازدیم تُهمت دئمزدیم
آج قالاردیم اؤزگه مالی یئمزدیم

دقت ایله اوغول سؤزؤن دالینا
باخماگلان خلقین قیل و قالینا
قبر اؤنده وای او کسین حالینا
اؤوونده حلال و حرام قاریشا
خلقه تُهمت ویرا یالان دانیشا

سیزه قبر اؤووندن وئریرم خبر
اولوم یعنی کؤچمک چتین بیرسفر
وسیله سیز بویول خطردی خطر
خالی اللر هارا آتسان ساخلاماز
انسان گیدیب مقصدینی هاخلاماز

بوردا فقط علی ولی اللهین
محبتی او بنده سی اللهینِ
لازمدی هر بیر فقیرین شاهین
علی محبتی چراغ یاندیریر
قارانقولوق یولو ایشقلان دیریر


آچیم سؤزبستسین بیلسین بوراز
بیرده محکم سند نمازدی نماز
نماز هر بشره نیازدی نیاز
نماز بوردا دؤزگؤرسدیر یوللاری
یخیلاندا فوراً دوتور قوللاری

بیرده بوردا درده دگیر گؤزیاشی
ملکلر یاناندا اوجالدیر باشی
یاد ایلییوز ایکی باجی قارداشی
قلبلری موحنتینه داغلیوز
حسینیلن زینبه چوخ آغلییوز

حسین جاندان گچیبدی کربلاده
باتیب اؤز قانینه راه خدا ده
تاپلماز بیر نفر عرض سماءده
حسینتک دینه قان وئرسین اؤرکدن
دگیب اوخ سینه دن چیخسین گورکدن

حسینین یاز قلم رازو نیازین
اؤرک قانیلن آلدی دستمازین
که وقت اولدی قیلا آخر نمازین
دؤشؤبدؤ سجدیه عطشان و خسته
گلیردی گؤگدن اوخلار دسته دسته

هوا ایستی یئر ایستی جسمی یاره
سوسوزلیقدان دوداقلار پاره پاره
چکیر اکبر داغی دیلده شراره
بها ویردی او حالیله نمازه
شروع ایتدی اودم رازو نیازه

دیدی یارب بو قانلی پیکریم ده
ابوالفضلیمده اوعنو جعفریم ده
علی اکبریمده اصغریم ده
بلادشتینده القانه قانه باتیبلار
بو دنیا لذتین گؤزدن آتیبلار

حسینه سن (پاشا) پیوسته آغلا
بو غم ده اولما سنده خسته آغلا
اولا بیرگون بو گؤزلربسته آغلا
فراقونده اورک لر داغلاناندا
دگر درده بو گؤزلر باغلاناندا

@ASHAR_PASHA

این مطلب توسط میثم عظیمی. بررسی شده است. تاریخ تایید: ۹۸/۰۹/۲۰ - ۰۱:۴۳
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (1)