فراموش کردم
اعضای انجمن(461) ارتباط با مدیریت انجمن طریقه آپلود عکس ، فیلم وموسیقی میانالی از نگاهی متفاوت طریقه قرار دادن موسیقی و کلیپ در مطلب
جستجوی انجمن
پاشانصیری (pasha-nasiri )    

بالالاریننان ناراضی آتا

درج شده در تاریخ ۹۸/۰۸/۱۶ ساعت 20:38 بازدید کل: 43 بازدید امروز: 43
 

 بالالاری گؤزدن آتان بیر کیشی

دیریلیکده آدی باتان بیر کیشی

قارا توپراق آلتا یاتان بیر کیشی

روحی غم اوتونا گنه آلیشیر

قبر اؤووندن بو سؤزلری دانیشیر

 

غافل اولوب دئمه دانیشماز اؤلو

غم اوتونا بیرده آلیشماز اؤلو

بیزدن کؤسوب گِیدسه باریشمازاؤلو

من دئییرم اولؤلَرده دانیشار

کؤسوب گیِدسه یالوار اونا باریشار

 

دؤزدو اونون توپراق اؤرتوب یؤزونو

وئرر نشان خلقه یولون دؤزؤنو

عالم معناده دییر سؤزونو

الله دیریلرین یوموب گؤزلرین

بیزلرگؤرؤب ایشیتمیریک سؤزلرین

 

 

بوکیشیده گؤرور گؤزده یاشلاری

اوغلانلاری قیزلاری. قارداشلاری

تاپدییلار قبره الده داشلاری

یغیلیبلار اولار قبرین باشینا

چالیلار باشلارین قبرین داشینا

 

دئیلرکی بیزه سس وئر آی آتا

قراتوپراق آلتادا یاتان وای آتا

گتیمشیک قبرون اوسته پای آتا

بیزکی هرگؤن گلیب سنی یوخلادیق

گؤزلریمیز اؤسته سنی ساخلادیق

 

 

قویمامیشیق بیر گجه تک یاتاسان

کیم بیلیردی بیزی گؤزدن آتاسان

قیمادون اوتدیغون اؤوو ساتاسان

دئدیک سات اؤوو چک اؤزون دؤزه

دئدون ساخلیّیرام من اوغول سیزه 

 

هره بیرسؤز قبرین اوسته دانیشیر

کؤسنلرده بیر بیریلن باریشیر

بوکشینین روحی غمدن آلیشیر

یانا یانا دئییردی اؤز اؤزؤنه

توپراق دولسون یالانچینین گؤزونه

 

 

اوندا مندن دانیشمیردوز آیینان

کولیرسیز قالیردیم ایستی یایینان

قاپیمدان گیرمیردوز الده پایینان

ایندی نه اولوبدو های و گتیریبسیز

قبریمین اوستونه پای گتیریبسیز

 

 

آتا دیبن گیچمدوز صاق صولوما

ییخیلاندا ال آتمادوز قولوما

هاردان گلدیم کلک قوردوز یولوما

یول کسنلر کیمین کسدؤز یولومو

ال اوزاتدیم دیبدن ویردوز قولومو

 

 

آتا دئیبن بیر فکریمه قالمادوز

مریض اولدوم اطرافیمی آلمادوز

حسرت قالدیم قول بوینوماسالمادوز

نه اولوبدو ایندی یادا سالیبسیز

داش توپراقی اورتالیقا آلیبسیز

 

هانسی درد دیلی ایندی دانیشیم

حانسی غم اوتونا بیرده آلیشیم

گلیبسیز دییسیز دوروم باریشیم

قبریم اوسته گلیبسیز نه یؤزولن

دورون گیدون دانیشمیرام سیزلن

 

اورک سؤزون ایندی دئییرم سیزه

الله ایشی بیر گؤن چکه جک دؤزه

قیامتده دوراجییق یؤز یؤزه

اوگون سؤزون دؤزون حقیمدی دییم

منیم اؤز مالیمی ویرمدیز یییم

 

 

واضح دئیم زئهَر قاتدیز آشیما

هرنه ویردیز اون یول چالدوز باشیما

اورک قانی قاریشدی گؤز یاشیما

قلبیمده کی درد دیلی بیلمدوز

گؤزلریمدن آخان یاشی سیلمدوز

 

ایندی سیزاولوبسیزاوغلوم قارداشیم

دیریدیم باشوزا دؤشموشدو داشیم

دورون گیدون یاتیم آغرییر باشیم

نه ایستیرسیزمندن گلیبسیز بورا

عزیز اولدوم سیزه اؤلندن سورا 

 

دئییردیزکی باشارمیسان سؤزؤوو

هوشون جاییب ایتیریبسن اؤزووو

چیخماچوله یات اؤده یوم گؤزووو

ایندی سیزدئیندی یومولوب گؤزوم

راحت اولون بیرکس ائشیتمیرسؤزوم

 

آری کیمین بسدی ویزیلامیون

نیتک باشیم اوسته سیزیلامیون

واضح دئیون سوزؤ میزیلامیون

نه ایستیرسیز منیم اؤلو جانیمدان

اَلچک میسیز بو قورویان قانیمدان 

 

سیزه گؤره شیرین جانیم زای اولدو

لحظه لریم گؤزلریمده آی اولدو

سیزدن منَه گلن یامان پای اولدو

گؤ اسگییه دوتدوز منیم قانیمی

ازرائیل دان قاباق آلدیز جانیمی 

 

اگنیزدن چیخاردین منیم قارامی

قارا کؤنک ساغالدانماز یارامی

هیچ زاد دوزلدنمز سیزیلن آرامی

قلبیمه ویریبسیز دویونجان یارا

اوتانمیسیز هله گیبسیز قارا 

 

گؤنلر قباقیندا یاندی کورئیم

حییف اولسون هدر اولدی چورئیم

قیزلاریمناندا سینیبدی اؤرییم

اولاردا من دیین سؤزی قانمادی

اؤرئلری بیر یول منه یانمادی

 

گیدون سقّالوزو ویرون تیغینان

دولانون شهریده اوزون بوغونان

تویوق پلو وئرون خلقه دوغونان

منکی ایلدن ایله تویوق ییِمَدیم

اؤرک سؤزون هیچ بیرؤزه دئمدیم 

 

 ایکی آی یاتدیم یادا سالان اولمادی

بیکسلرتک همراه قالان اولمادی

دکتر نسخه یازدی آلان اولمادی

یاندیم درد الیندن دوندوم من کوله

ساخلادوز پوللاری وره سیز گوله

 

ییغیشدرون قبریم اوستن گولؤزو

نه آتا سی لال ایلیوز دیلیؤزو

قبریمین اؤستونن چکون الؤزو

اوندا کولوم توکولموشدو گؤزؤزه

دورون گیدون آتا تاپون اؤزؤزه

 

ایشیت میشم نچه قازان آسیبسیز

قازانلارا یتمیش تویوق باسیبسیز

محل مسجدینده هاموز کاسیبسیز

مردم احساس ائدیر منه یانیسیز

نه من بازلقیمیش آد قازانیسیز

 

او غذا کی آدی احسان قویولوب

پولون قازانینجاق دریم سویولوب

اوزوم آج قالمیشام قلبیم اویولوب

اوگون فکرین ائلییردیم بوگونون

دئردیم کی آچار ایشین دؤگونون 

 

ایندی دعوت اولوب حاجی فلانی

حاجی لاردان اولمیو بدو قالانی

آروادلاریز باجی قیزی خالانی

ائدیبلر ظاهرا دعوت بولّووا

نه لوبازلیقیمیش تویوق پولووا 

 

گرچه حق سوزدانیشماق چوخ آجیدی

او گلنلر کربلایی حاجی دی

بیبی اوغلوخالعوغلوقارداش باجیدی

اولاردا هیچ حق دِییَنی قانمییب

اؤرکلری بیر یول منه یانمییب 

 

احسانوزداندا گؤزومؤ آتمیشام

گؤرورسیزکی نجه راحت یاتمیشام

او اؤده کی اوتوموشدوم ساتمیشام

اونا خاطر اؤلدورمییؤز اؤزؤ زؤ

یالان یئره یاشالتمیوز گؤزؤ زؤ 

 

قالان سؤزؤ تاپشیرمیشام (پاشیا)

دئمیشم او اؤ اساسین داشییا

ساتا سووا خشلییه شاد یاشییا

یادان چیخاتمییا منیم اؤزؤ مؤ

دیوانین دا ثبت ائلییه سؤزؤمؤ

 

ASHAR_PASHA

این مطلب توسط میثم عظیمی. بررسی شده است. تاریخ تایید: ۹۸/۰۸/۱۶ - ۲۱:۴۷
اشتراک گذاری: تلگرام فیسبوک تویتر
برچسب ها:



لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات