فراموش کردم
اعضای انجمن(461) ارتباط با مدیریت انجمن طریقه آپلود عکس ، فیلم وموسیقی میانالی از نگاهی متفاوت طریقه قرار دادن موسیقی و کلیپ در مطلب
جستجوی انجمن
پاشانصیری (pasha-nasiri )    

حِرص جوش

درج شده در تاریخ ۹۸/۰۸/۱۱ ساعت 14:32 بازدید کل: 50 بازدید امروز: 50
 

 آی گؤزل اوغلان سوزومه ایله گوش

بسدی داخی آزیگیلن حِرص جوش

 

 

خلق ائلیب خالِق حق گوچ قوزو

کس باشینی دوغرا اَتیین سپ دوزو

پیپسی کولانین ایچنه سال بوزو

چک اتین اوستن باشووا ایله نوش*

بسدی داخی آزیگیلن حِرص جوش

 

 آیرانی چکمه باشووا دال با دال

قارنووا قیژقیرسا سالار قیل و قال

آیران ایچنده بو سؤزو یاده سال

حیفِدی قارنون سنؤن اولسون کلوش*

بسدی داخی آزیگیلن حِرص جوش

 

 

یوخ بو فنا دهریده چوخ اعتبار

هر ایشین اندازه سی میزانی وار

بسدی داخی سؤلمه چوخ وار وار

وئرنشان ایندی منه قارونی کوش*

بسدی داخی آزیئگیلن حِرص جوش 

 

مُحکم ائله زندگووین پایه سین

قویما سالا غم اؤووزه سایه سین

آرتیر اوغول شادلیقوین مایه سین

خوش دانیشیب سال اؤوزه جُنبجوش*

بسدی داخی آزیگیلن حِرص جوش 

 

اخلاقوین موجنی میزان ایله

مللته لب خندووی ارزان ایله

تاکی الوندن گلیر احسان ایله

بوشلا خاری گلفروش اول گلفروش *

بسدی داخی آزیگیلن حِرص جوش

 

سیندی یئتیردؤن گوزلیم قرخ بئشه

فکریوی چوخ قاتماگلان دای ایشه

فکر ائله بیر زرده آرامیشه

ایندی گرک سن دوتاسان گونده دوش*

بسدی داخی آز یئگیلن حِرص جوش 

 

فکرووی چوخ قاتماگیلان چک میِکه

چوخلاری گؤردؤم ایکی سندن ییکه

آخری عومرونده دوتوب سک سکه

باطل اولوبدی او خرید فروش*

بسدی داخی آز یئگیلن حِرص جوش

 

سؤزلریم هر بیری بیر نکته دی

حِرص جوشون عاقبتی سکته دی

سکته نه سقلده نه بیرچکده دی

ایتدی جوانلیقداچوخون دیده پوش*

بسدی داخی آز یئگیلن حِرص جوش 

 

سنده وفانین آغاجین داللا بیر

قلبوین آیناسینی گ دسمالا بیر

سطل امید حق چاهینا ساللا بیر

تیکمه گیلن ملته اوغلوم پاپوش*

بسدی داخی آزیئگیلن حِرص جوش 

 

سنکی یقینا سوویسن جنتی

قویما گیلان رُشت ائلییه غیبتی

قاتماگیلان غیبتیلن صحبتی

غیبت و بُهتانه اوغول وئرمه گوش*

بسدی داخی آزیئگیلن حِرص جوش 

 

ریشه کن ائت غیبتین آثارینی

یادووه سال قبر ائونین نارینی

فاش ائلمه مردمین اسرارینی

آچماگیلان قوی قالاسؤز پرده پوش*

بسدی داخی آزیئگیلن حِرص جوش 

 

قازماگیلان رحم و مروت کولون

سد ائلمه چشمه ای رحمت یولون

دولدورا ملت گرگ اوردان دولون

سنده بو عالمده بیزه اولمابوش*

بسدی داخی آزیئگیلن حِرص جوش 

 

.اموالینین چوخلاری بیلمز سایین

اوجونا ملت قویوب آخر پایین

دال با دالا باشینا باشماخ تایین

گوپسدیلرگیدسن ازوندن سوروش*

بسدی داخی آزیئگیلن حِرص جوش 

 

قوی باشووا شَان و شرف تاجینی

یوخلاگیلان عمه خاله باجینی

رد ایله غم غصه نین امواجینی

قلبلرین قویما اولا درده توش*

بسدی داخی آزیئگیلن حِرص جوش 

 

بیرده حرام لقمه دن ائت الحزر

ظاهروی خوش تیپ ائدیب چوخ بزر

جیسمووی باشدان باشا یکسر گزر

قبرووی ایلر اوسنؤن لانه موش*

بسدی داخی آزیئگیلن حِرص جوش 

 

دوتگیلان آمارینی اموالووون

قویما قالا خومسونی ویر مالووون

ایتمییه تاریخی گرک سالووون

شمع کیمین بیرگون اولارسان خاموش*

بسدی داخی آزیئگیلن حِرص جوش 

 

ایلدن ایله بیر ازؤوی سیلکله

مال امام قویما قالا کوهنله

خمسووی ویرجسمون اوغول دینچله

آزقالیر آهنگینی چالسین سروش*

بسدی داخی آزیئگیلن حِرص جوش 

 

سن (پاشا) قویدون بو یولا گؤزلری

دال بادالا دوزدون عجب سؤزلری

تایپ ایله وئرقوی اوخوسون اؤزلری

چیخسا کتابون اولاجاق پر فروش*

بسدی داخی آزیئگیلن حِرص جوش

@ASHAR_PASHA

i

این مطلب توسط میثم عظیمی. بررسی شده است. تاریخ تایید: ۹۸/۰۸/۱۱ - ۱۶:۳۵
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات