فراموش کردم
اعضای انجمن(461) ارتباط با مدیریت انجمن طریقه آپلود عکس ، فیلم وموسیقی میانالی از نگاهی متفاوت طریقه قرار دادن موسیقی و کلیپ در مطلب
جستجوی انجمن
پاشانصیری (pasha-nasiri )    

مقام امام حسین (ع) 

درج شده در تاریخ ۹۸/۰۷/۲۸ ساعت 00:02 بازدید کل: 73 بازدید امروز: 73
 

 حسینه قربان اولوم مظهر شجاعتدی

حسینه عاشق اولان صاحب سعادتدی

حسین منی اَنَا مِن حسین دئیب جدّی

رسول حق بویوروب کشتی هدایتدی

حسینین آدینی ذکرایله ویرگینان سینه

او اللریکی دگیر سینووه عبادتدی

حسین اوکسدی بَله عرشه گیتدی قونداقی

حسینین آدی هامی عرش وفرشه زینتدی 

حسینه گؤرنجه لطف ایلییبدی خللاقی

اوخالقیکی اونون لطفی بی نهایتدی 

حسین فاطمه نین اؤزوندن اولسا نظر

حضوروزه یئتیریم بیر نچه عبارتدی 

بیری دعادی اونون قبرینین کنارینده

رسول حق بویوروب موجب اجابتدی 

ایکیمجسی بودیکی تِئزویرَرمریضه شفاء

جانیم فدا او طبیبه دواسی تربتدی 

اوچؤمجؤسی بودیکی زائری دوشنده

یولا اویول کی طی ائلییر اجری بی نهایتدی 

گیدیب قیتدیگی یول عُمرینه حساب اولماز

بو باره ده یازیلیب چوخلی سؤز کتابتدی 

فدا بو جانلار اولا امتیازینا آقامون

عزیز فاطمه دی گوهر امامتدی 

 یادیمه دوشدو منیم بوردا خلقت  آدم

یازیلساخوشدؤ اوداچونکه عالی صحبتدی 

اودمکی وئردی نفس آدمه خدای کریم

اوداگؤز آچدی بیلیب دهرفانی خلوتدی 

سالیبدی دقتیلن عرشه بیر نظر آدم

گوروبدی پنج تنین نوری عرشه زینتدی 

دئیب خدای کریم قیل منی اؤزون آگاه

اونوریلر کیم اولا غرق در عبادتدی 

بویوردو آدمه چون خدای عزّوجل

اونوریلر بیشیده نور حق رحمتدی 

بیریسی شافع محشردی گئلر دنیایه

محمد(ص) عربی شافع قیامتدی 

ایکیمجی نورعلیدی قویوبدو سجدیه باش

امام اول علی صاحب ولایتدی 

اوچومجی فاطمه دی نور عین طا هادی

اونون وجودی بوگون باعث بو خلقتدی 

بیری حسندی اونون چوخ کرملی اللری وار

باغشلیاندی حسن صاحب کرامتدی

بیری حسین دی قویار قدسیانی حیرتده

حسین حسین نه حسین عاشق شهادتدی 

اودم بیوردی خدا عاشقم حسینه اؤزوم

بوسؤز حسینچیلره بیر گوزل علامتدی 

حسین اوکسدی دوروب رزمگهده مردانه

مقابیلینده اوتوز مین نفر جماعتدی 

بویوردو اگمییه جک زیادین اوغلوناباش

بدنده تاکی نفس وار حسین سلامتدی 

حسین اوکسدی گچیب ایللر انقلابیندن

هنوزده نهضتی پر بار و با فظیلتدی 

کیمین وارعشقی بوگون جنتین اؤپه قاپیسین

حسین تشنه لبینین کربلا سی جننتدی 

(پاشا)اولونجه اوزون آیری سالما مولادن

حسیندن آیری دوشن حشریده خجالتدی

التماس دعا

ASHAR_PASHA@

این مطلب توسط میثم عظیمی. بررسی شده است. تاریخ تایید: ۹۸/۰۷/۲۸ - ۰۰:۲۵
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات