فراموش کردم
اعضای انجمن(461) ارتباط با مدیریت انجمن طریقه آپلود عکس ، فیلم وموسیقی میانالی از نگاهی متفاوت طریقه قرار دادن موسیقی و کلیپ در مطلب
جستجوی انجمن
پاشانصیری (pasha-nasiri )    

شعر در احوالات شهید عباس مولائی از روستای (خوبستان )میانه

درج شده در تاریخ ۹۸/۰۷/۱۳ ساعت 22:56 بازدید کل: 34 بازدید امروز: 34
 

 ای قلم خوشدو شهید مولائیدن بیر یاداولا

روحی بیزدن او جوانین قبر اؤونده شاد اولا

ایتدی فرمایش گرک ایرانمیز آزاد اولا

حقی یوخ بیرکشورین ایرانه باش بیلسین اؤزؤن

مردحق میدان حقده ثابت ائتدی حق سؤزؤن

 

بعلی مولائی اؤزو بیر فرد با ایمانیدی

اؤز زمانینده امامِ امته سلمانیدی

ترک تبریز و میانه اهل خوبستانیدی

عمرونین فصلی بهاریدی اونون. یئرمی یاشی

بو آزعموریلن ولی یاخشی تانیردی داغ داشی 

 

بوردا سؤزلر واردیکی .یازسام اولارچوخلوکتاب

هرسوال ائتسوز بوشعریمده یقیناً وار جواب

سال الی یئدیده پیروزکی اولوبدو انقلاب

دشمنان کشور ایران . وئریبلر ال اله

صدامی اؤرگتدیلر ایرانه سالسین ول وله 

 

رگلرینده جوشه عباسین گلیب غیرت قانی

اوجوانی قویمادی راحت اوتورسین ایمانی

رهبرین اجرا دئدی لازمدی . اولسون فرمانی

گرچه ازلدن بیلیردی واردی بو یولدا خطر

جبهه ای جنگه اولوب عازم گؤزونده اشگتر 

 

باغلییب نارنجکی بیلده باشیندا عشق یار

عرض ائدیب یارب سنیندی ایندی منده هرنه وار

دشمنین قصدی بودو ایرانی ائتسین خوارو زار

گیمیشم جنگی لباسی بیرده تندن سؤیمارام

دشمنی مقصوده چاتسین جانداویرسم قویمارام

 

زره ی یوخ واهمم ایران زمین سربازییم

خوش دلم من حضرت روح اللهین جانبازییم

گیچمیشم باشیله جاندان هر بلایه رازییم

هر بلا گلسه بو چولده باشیمه واردی دؤزؤم

حتی جیسمیم ایللریلن چؤلده قالسا یوخسؤزؤم

 

 یاد ائدیب کرببلانی اشگ عذاره باغلادی

چکدی بیر آه جگرسؤز قلب زارین داغلادی

خاک ریزین اؤستن باخیب کرببلایه آغلادی

کاش تاپیدیم ال اونون قلبینده کی فریادنه

کاش بیلیدیم من. نلر دؤشددو اویئرده یادینه

 

گیچدی قلبیندن نلر بیلمم اونون یا العجب

کربلا سمتینده یؤز اما دیلینده تاب و تب

گوئیا عرض ایلییر دی ای حسین تشنه لب

گلمیشم لبیک دئیم مولای من فرمانوه

تیکمیشم گؤزخاکریزین اؤستن سنؤن احسانوه 

 

یاحسین گل اولما راضی قلبیمه غملر دولا

بیر تقاضام وار خدادن قورخورام من رد اولا

ایسته اله دان منی قیلسین هدایت دؤز یولا

حُب دنیانین چراغین قلبیده خاموش ائدیم

منده بوچولده شهادت شربتیندن نوش ائدیم

 

 اولمادیم کرببلاده سروی دینه قان وئرم

جانیمی منده اوچؤلد اصغره قربان وئرم

یادگار مجتبی تک قوملار اؤسته جان وئرم

باشیمین اؤسته دؤشه سنتک عزیزین سایه سی

او قوجا دربانوین منده اولام همسایه سی

 

 گرچه اول فرصت محال امردی گلمز اله

فرصت دیگردی بو چؤلده همان بو مرحله

بیر . بیله فرصت هاچان امکان اولار بیرده گله

کاش اولا منده لیاقت قانیمه غلطان اولام

دینیمه ایمانیمه ایرانیمه قربان اولام 

 

وار یئری کرببلادن سس گلیدی آی جوان

قلب زارونن گیچن سوزلر منه اولدو عیان

یانما بو نار فراقه ایلمه اشگون روان

آغلاما بیلدیم سنون قلبونده کی برنامووو

غم ییمه من امضالاتدیردیم شهادت نامووو

 

خوشدو گؤزیاشون(پاشا) آخدیقجایوزده یول سالا

آغلا سن . یازدیقجان آغلا . وای سنه قالدون دالا

بیر شهادتده اؤلنده کاش سنه قسمت اولا

یوز گوزو قانلی مزاره گیتمگی وار لذذتی

محشره قالسین گرک بوردا بیلینمز قیمتی

ASHAR_PASHA@

این مطلب توسط میثم عظیمی. بررسی شده است. تاریخ تایید: ۹۸/۰۷/۱۴ - ۰۱:۰۲
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (3)