فراموش کردم
اعضای انجمن(351) ارتباط با مدیریت انجمن طریقه آپلود عکس ، فیلم وموسیقی میانالی از نگاهی متفاوت طریقه قرار دادن موسیقی و کلیپ در مطلب
جستجوی انجمن
پاشانصیری (pasha-nasiri )    

 زکریانین گلیب قرآندا چوخ یئرده آدی

درج شده در تاریخ ۹۸/۰۷/۱۰ ساعت 00:18 بازدید کل: 40 بازدید امروز: 38
 

 

زکریانین گلیب قرآندا چوخ یئرده آدی

سینی گِچمیشدی قوجالمِشدی یوخویدی اولادی

 

وارد اولدو مریمین بیر گون عبادت گاهنه

گؤردو مریم ال دعاده یوز دوتوب اللهنه

 

اگلشیب محراب طاعتده آچیبدی جانماز

او قدیم ازلینن ائلییر راز نیاز

 

گؤزلرینده اشگتر وار آیری بیر حالتده دی

مالک یوم الدین ایله چوخ شیرین صحبتده دی

 

بیر طبق واردی کنارینده ائدیر جلب نظر

او طبقده گؤرسنیر .وار غیر فصلی میوه لر

 

گوئیا عرض ایلییر ای خالق هفت آسمان

ای کریم الله خداوند زمینیله زمان

 

انسی جنّی خلق ائدن ای مهربان ای ذوالجلال

کیم سنه امیّدوار اولدو . هاچان تاپدی ملال؟

 

صاحبی قدرتسن الله . من بیر عاجز بندییم

لطف احسانونده ایللردی سنین شرمندییم

 

قدرتون یارب منه گؤنتک اولوبدو آشکار

وار امیدیمکی بو احسان قالسین الله پایدار

 

زکریانین وجودینده بو سؤزلر . یئر سالیب

او طبق ده غیر فصلی میوه یه حیران قالب

 

صحبته گلدی او حضرت مریمه ائتدی خطاب

بیرسوالیم واردی یا مریم منه . ویرسون جواب

 

بوطبق هاردان گلیبدی سِره آگاه ائت منی

کیم اکیبدی کیم دریبدی کیم گتیردی میوه نی

 

قالمیشام حیرتده ایندی هانسی باغین باریدی

گؤرنه زیبا رنگی واردی گؤرنه عطر داریدی

 

عرض قیلدی حضرت مریم . او بانوی گرام

حضرت حقدن منه احسان اولوبدو بوطعام

 

قادر الله هرکسی .چوخ ایستسه . عزت وئرر

روزیسین ائیلر فراوان . خیر بی منّت وئرر

 

زکریایه تکان وئردی اونون شیرین سوزو

قلبیده امّیدی آرتدی اشگیلن دولدو گؤزو

 

ال دعایه آچدی یارب سن ائشیتدون سوزلرین

حضرت یحیی نی وئردون روشن ائتدون گوزلرین

 

کیم سنه امّیدوار اولدو امیدین قیرامادون

خلق ایچینده ای کریم الله اونو سیندیرمادون

 

ASHAR_PASHA@

این مطلب توسط میثم عظیمی. بررسی شده است. تاریخ تایید: ۹۸/۰۷/۱۰ - ۰۰:۳۰
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (3)