فراموش کردم
اعضای انجمن(461) ارتباط با مدیریت انجمن طریقه آپلود عکس ، فیلم وموسیقی میانالی از نگاهی متفاوت طریقه قرار دادن موسیقی و کلیپ در مطلب
جستجوی انجمن
پاشانصیری (pasha-nasiri )    

ایکی کیشی

درج شده در تاریخ ۹۸/۰۷/۰۹ ساعت 22:08 بازدید کل: 38 بازدید امروز: 38
 

ایکی کیشی

ایکی کیشی ایللردی یولداشدیلار

اَئیلشدیلر سؤزؤن باشین آشدیلار

ال وئردیلر بیله قاراللاشدیلار

هر بیرینین عُمرو تئیزتر جالانا

آخیرتدن خبر وئرسین قالانا

 

آنجاق چوخ چکمدی یولداشین بیری

قلبینه سانجیلیب اؤلؤمین تیری

اوکی اؤلممیشدی قالمیشدی دیری

الینده یوخودو گرچه اختیار

گئجه لر یاتاردی قلبینده قرار

 

هفته آی سوووشدو اولمادی خبر

چوخ گئجه لر یاتدی گؤزده اشگتر

آخر گؤزیاشی سی قویوبدو اثر

گؤردویولداشینی چوخ گرفته حال

اؤزون توز بؤرویوب واریدی ملال

 

دیلی توتار توتماز سوروشدو حالین

خبر آلدی عیلتین بو ملالین

سؤزون هنوز قوتارمامیشدی دالین

یولداشی ناگهان گئلیبدی دیله

دئدیکی دؤشمِیشم آغیر مؤشگؤله

 

قولاق وئر سؤزؤمه قیلما اجله

سنن دانیشماقا وقتیم وار هله

فرودینی گتیرمیشم عمله

اوروجدا نمازدا یوخومدو کئمیم

حققؤن ناسا گؤره اوتلانیب زمیم

 

عومورمزرعه سین وئرمیشم سیئله

یاخشی کشاورز ئول سن دقّت ائله

دؤزاک دؤزبیچ روحون بوردا دینجئله

هرایش گؤردون اول پاک ائت نیّتون

حلاله حرامه اولسون دقتّون

 

بوشلا گینان یولون بوروق بوروغون

پوز ماگینان اؤزگه لرین قورو غون

یادووه ساِل قبر اووینین سوروغون

قونشولاری قویما سیخا روزگار

اولاری غصٌه غمدن ائت کنار

 

منیم سوزلریمی دوتما سرسری

قونشویناندی قونشونون دردسری

قولاق آس قوی دئییم بو بیر خبری

بو بلانی گئتیریبدی باشیما

اؤرک قانیم قاریشیب گؤز یاشیما

 

قونشومیز ایستیردی گلین گئتیره

اؤوینده بیر بزری امید بیتیره

بالاسینی آرزوسینا یئتیره

گؤروردوم دولانیر چوخ گرفته حال

بیلیردیم قلبینده واریدی ملال

 

الف قدین یوخسولوق ائتمِشدی لام

منی گؤرجک هر گؤن ویرردی سلام

سلامین آلاردیم بدون کلام

دئیردیم دانیشسام دوشرم تورا

قالسین دانشاریق بیزطویدان صورا

 

قوجالمیشدی دایانمیشدی دایاقا

بیر گؤن منن گلدی قباق قباقا

یئتیشجئگین منه دئدی آی آقا

گؤرمیسن گئزیرم من آیاق یالین

آدام قونشون بیر سوروشمازحالین

 

گرفتارام بوردان من سالمیشام یول

احتیاجیم وار سنن آلمیشام یول

قونشویوق بیزگئدک منه ظامین ئول

قوی اوغلیمون طویون باشا یئتیریم

آرزوم واردی منده گئلین گئتیریم

 

او گؤن دیئیه جییم سنیده شاما

بو جیریق کوتومو اگنیمده یاما

بیلدیریازیلمیشام اون میلیون واما

بو بیرایلده گئجه گؤندوز قاچمیشام

آدام قالمییب دی آغیز آچمیشام

 

دولانیم باشووا سنون آی حاجی

بو بیر مشگؤلومون سنده علاجی

سیفتییه چیکه ده یوخ احتیاجی

سنده منن شریک ئول بو صوابا

بیرامضائ ویرپول توکولسون حسابا

 

الله سنن بو وقاری آلماسین

غم بولودی سنه سایه سالماسین

خلق ایچینده ایشون دالی قالماسین

راضی اولما گل تک سارالام صولام

الیمنن دوت قویماگینان لنگ اولام

 

دایاندیم سؤزلرین یکسر ایشیتدیم

او سؤزلرکی دئمیشدی دقت ائتدیم

همان یئرده بیر آز کی فکره گئتدیم

اؤز اؤزومه دئدیم یوخدو آیری یول

آغیز آچیر قونشوندو بو ضامین ئول

 

دئدیم عمو ایشیتدیم من سؤزؤوو

بویاما اشگ تریله گؤزووو

آرخیین ئول چوخ داینجیدمه اؤزووو

الووی ویر منه بو منیم الیم

هانسی بانگا دئیرسن صباح گئلیم

 

آیریلدیم کیشیدن آب تابیلن

گئلدیم اؤوه آنجاق چوخ شتابیلن

گجه نی سوودوم بیرشیرین خابیلن

سحردوردوم شیطان کسدی یولومو

زنجیریلن باغلادی ال قولومو

 

شیطانین سؤزیلن گئدیم زوالا

اودیرکی قالمیشام ایندی بو حالا

سوروشولار بوردا حی دالبادالا

سنه کی ویرمیشدیک بیز بو عزتی

ندن رفع ائتمدون او بیر مُحنتی

 

یولداش ایستییرسن رفع اولا زوال

بو غصه دن جانیم تاپا ایده آل

گِت قونشومنان منه سن حلالّیق آل

دینن او قونشو کی گیدیبدی گورا

حلال ائله اونو دوشوبدیی تورا

 

(پاشا) اشعارووه اولسون دقّتون

دقت ائتسون شیرین اولارصحبتون

عملینن آرتار سوزده قیمتون

خیر عمله اقدام ایلسون اؤزون

یقین تأثیر قویار ملّته سؤزون

 

این مطلب توسط میثم عظیمی. بررسی شده است. تاریخ تایید: ۹۸/۰۷/۰۹ - ۲۲:۱۱
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (3)