فراموش کردم
لطفا تایپ کنید...
رتبه کلی: 6002


درباره من
سئوگیلیم وطن


عشقیم آزادلیق


نفسیم آزربایجان
Qartal qarabağlı (olom )    

یارین قارا گوزلری

درج شده در تاریخ ۹۵/۱۲/۲۱ ساعت 19:42 بازدید کل: 125 بازدید امروز: 122
 

قارا قیزیل ایلاهه‌سینین آدیله

یارین قارا گوزلری حکایه سی

 

بیلیرسنمی سن ایستی یئرده اوتوران زامان
بیریلریده شخته ده چولده قالیر،
بیلیرسنمی سن قارنی توخ یاتان زامان
بیریلریده آجینان بویات چورک یئیر،
هله سن گئت یارین قارا گوزلریندن یاز،
بیلیرسنمی سن دولارلا اوینایان زامان،
بیریلریده پولا گوره عیصمتین ساتیر،
بیلیرسنمی سن راحات چارپایدا خیالار قوران زامان،
بیریلریده خیالارین تاپدایب خیاوانلاردا نامرده ال اوزادیر،
هله سن گئت یارین قارا گوزلریندن یاز،
بیلیرسنمی ؟یوخ بیلمیرسن
بیلرسنکی هله ده لاپ فیلملرده کی کیمین گرچک حیاتدا بعضی قیزلار یاشاماق اوچون اوزونو ساتیر؟
بیلیرسنکی ایسلام اؤلکه سینده «فاحیشه لیگین یاشی 25 یاشدان  12یاشا چاتیب» قیز 12 یاشدا فاحیشه‌لیک ائدیر
بیلیرسن؟یوخ بیلمیرسن
سوریه، ده یمن ده،فیلیصتینده،گوناهسیز اوشلقلارین سویقیریمیندن بیلمیرسن
آفریقادا اولومله،آجلیقلا،سوسوزلوقلا موجادیله ائدنلری بیلمیرسن
آوروپادا تحقیر اولونان قاچقینلارین حالین بیلمیرسن
آمئریکادا اینسانلارین دری سینین قارا اولدوغونا گوره آلچالمارین بیلمیرسن
یئرکوره سینین داغیلماسین،مئشه لرین آزالماسین، سویون اولماماسین بیلمیرسن،
هاوانین چیرکلنمه سین قولدورلارین چوخالماسین بیلمیرسن،
هله سن گئت یارین قارا گوزلرینن یاز
گئت عدالتدن، آزادلیقدان،سیاستدن،مذهبدن یاز....
هانسی عدالت؟ هانسی آزادلیق،هانسی مذهب؟
بونلاری کیم بیلیر؟
برادر آغالار؟مسترلر؟سینیورلار؟
بودونیادا عدالتده ،آزادلیقدا، مذهبده، قارا قیزیل«نفت» آلاهلارینین،
دولار آلاهلارینین،صیلاح آلاهلارینین الینده،
تانریدا، پیغمبرده،حوکم وئرنده،جان آلاندا اونلاردی،
بونودا بیلیرسن خوجالیدا، شوشادا،خان کندینده،کلبجرده،لاچیندا،گوناهسیز اوشاقلارین،عیصمتی،ناموسو،
شرفی لکه‌لنمیش قیزلارین گلینلرین،شهید اولموش ایگیدلرین قانی یئرده قالدی،
قیصاص آلماقا قیرتلری اولمادی،
اوروس دیغالارینین بایراغی آلتیندا توپلاندیلار،
ایت کیمی اوروسا  قویروق بولادیلار، اوروس دیلین عشوه‌یله نازلا دانیشدیلار
بونلاری بیلیرسن؟ یوخ بیلمیرسن
سن هئچ نه بیلمیرسن....
سن هله گئت یارین قارا گوزلرینن یاز،
 آما من هله چوخ سوزلری یازمادیم....
یازسامدا نه فایداسی
بعضیلری آنلامیانان سونرا
یازان:قارتال قاراباغلی

2016,11,24

Telegram channel: @sizliyan_duygular

تاریخ آخرین ویرایش مطلب: تاریخ آخرین ویرایش: ۹۶/۱۰/۱۳ - ۰۳:۳۴
اشتراک گذاری: تلگرام فیسبوک تویتر

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات