فراموش کردم
اعضای انجمن(527) صفحه اصلی اخبار میانه عکس مذهبی هـنـری ورزشی حـــوادث کتاب میانه میانا تی وی معرفی همشهریان نمایندگان محترم مجلس مباحث انتخاباتی میانه اخبار ادارات و سازمانها درباره میانه بهمراه جزئیات لینکستان میانه مقررات انجمنهای صفحه اصلی
جستجوی انجمن
مدیر انجمن: مهدی عزیزی
محمدرضا مختاری (mr-muxtari )    

من بیر نفر آدامام ! تک قالیب یورولموشام!

درج شده در تاریخ ۹۲/۰۸/۰۱ ساعت 15:09 بازدید کل: 220 بازدید امروز: 35
 

 

سلام عزیز مییانالیلار

        من ایندی ۴ ایلدی کی باکی دا موسیقی درسی اوخویورام. ۱۳۸۷نجی ایلین سیدلر(غدیر خم) بایرامیندا چوخ مصیبت چکدیم و بیر کنسرت قویدوم،عزیز دوستلاریم دا کنسرت ده چوخ زحمت چکدیلر.ساغ اولسونلار مییانالیلار کی بلیط آلیب بیزدن حمایت ائله دیلر و سالن دولدو. کنسرت دن سونرا بورجلو دوشدوم! شهر شوراسی ۳۰۰ مین کمک ائله دی !ایندی ده کنسرت قویماق آدی گلنده باشیم آغرییر.               بیلدیر یای دا قارداغدا زلزله اولاندا من باکی دا خبرین ائشیتدیم و چوخ ناراحات اولدوم، مییانایا گلدیم ایستیردیم خیریه کنسرت اولسون. رسمأ ارشاد اداره سینه نامه یازدیم ، فرماندارینین روابط عمومی سینه ده گئتدیم آمما هئچ کس حمایت ائله مه دی .چوخ آداملاران ایسته دیم حمایت ائله سینلر اما سؤزده هن دئدیلرعمل اولمادی . تلویزیوندا زلزله دن خسارت گؤرنلره جماعاتدان کمک ایستیردیلر، منیم ده ألیمدن بو گلیردی اما ارشاد اداره سینین رییسی عملا بیر ایش گؤرمه دی.

         چوخ شهرلرده خیریه کنسرت اجرا اولوردو. سارابدا ارشاد اداره سی اؤزو خیریه کنسرت قویموشدو ، مییانانین تورکمنچای شهرینده خیریه کنسرت اولدو اما من نه قدر قاچدیم و کیمه دئدیم فایداسی اولمادی چوخ اذیت اولدوم بیر آی دان آرتیق اوردا قالانمادیم درسلریم باکی دا باشلاندی و ایش یئرده قالدی. بو بیر آی دا باشقا هنرمند دوستلاری گؤرنده قضیه نی دانیشیردیم اولاردا بو اداره دن چوخ ناراضی قالمیشدیلار. بیر یئرده گئدیب محترم امام جمعه گیله دردیمیزی دئدیک هله نتیجه سی معلوم اولماییب.

   عزیز مییانالی خانیملار و آغالار

         هامینیزدان ایستیرم شهریمیزین فلاکتلی فرهنگی وضعییتینه دقیق باخین.۱۰ ایلدن آرتیق دی ارشاد اداره سینین محترم رئییسی بو مقام دا چالیشیر و نتیجه سی بودور. مییانانین فرهنگی وضعییتی عوض اولماز مگر مدیریت عوض اولا و فعال مدیر ایش اوستونه گله.سیزدن ایستیرم محترم میللت وکیللیمیزه ومسئول لارا منیم بو عریضه می یئتیره سیز. هنری انجمن لر چوخ ضعیف اولوبلار، ادبی انجمن ده مییانانین آدلیم شاعرلری چوخ آز قالیب. انجمن خوشنویسان نئچه ایل نیمه تعطیل قالدی، بیلدیر بعضی مراجعه لرین نتیجه سینده بیرآز یولا دوشدو یئنه قاییدیر قاباق کی وضعییته. باشقا انجمن لره ائله خوش گؤنلری یوخدور، انجمن موسیقی شهرستانلاردا یوخدور. نیه گره ک شهرستانلاردا موسیقی انجمنی اولماسین؟؟ مگر موسیقی هنر دئییل؟ مسئوللارین باغلی قاپیلارین دؤیمه کدن یورولموشام. سیز آللاه هر کیمین ألیندن گلیر مییانامیزین فرهنگی و مدنی وضعییتینه کؤمک ائله سین.

ساغ اولون

محمدرضا مختاری باکی ۱۳۹۲

این مطلب توسط نویدصالحی بررسی شده است. تاریخ تایید: ۹۲/۰۸/۰۱ - ۱۵:۵۵
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات