ایش گلیب او یئره چاتیر کی سهله بانی نی زورلا باشقاسینا اره وئریللر.علعسگر عمی سی قیزی زهره نی گؤندریر خبر گئتیرمیه.دئییر گؤر دئییلنر دوزدومو یالاندیمی؟ زهره گلیر آما بئله باشی آشاغی.سس سیز سمیرسیز.فیکیرلشیر آی آللاه من بو خبری علعسگره نئجه چاتدیریم؟ هئچ نه دئمه دن دایانیب باخیر.آما علعسگرده عاریف ایدی.زهره نین گلیشیندن هر نه یی بیلدی.
علعسگر:
سؤیله قاصید،مختصری والسلام
عرضیمی جانانا دئدین، نه دئدی؟
بولبول تک آسمانا یئتیشیب نالام
صحن-گلستانا دئدین،نه دئدی؟
زهره:
گئدیب عرضی حالین یارا سؤیله دیم
اینجیمه سین مندن جانانا دئدی
ظولم الیله منی یادا وئریللر
ویران قالسین بئله زامانا دئدی
علعسگر:
یادیما سالاندا بوی بوساطینی
خسته کؤنلوم مینیر عشقین آتینی
گاه آختاریر یئرین یئددی قاتینی
گاه چیخیر آسمانا دئدین،نه دئدی؟
زهره:
ناکس مخنثین بوینو وورولسون
وای دوشسون ائوینه شیون قورولسون
محرمین اوغلانلاری قیریلسین
قالماسین یوردوندا نیشانا دئدی
علعسگر:
عاشیق اولدوم بیر ناانصاف میللته
قولو باغلی وئردی منی جللته
اینجیله،زبورا،صحفه،توراتا
آند وئریرم قورانا دئدین،نه دئدی؟
زهره:
سئیراقوبلار آرالیغی قاتدیلار
ظولم ایله بوینوما کمند آتدیلار
آتام،آنام منی پولا ساتدیلار
اونلار یئتیشمه سین ایمانا دئدی
علعسگر:
کؤنول گرک ایسته دیگین ایسته یه
دوستون سؤزون دوستا گرگ دوست دئیه
رحم ائله دین من گوناهکار خسته یه
دردیمی لقمانا دئدین،نه دئدی؟
زهره:
زهره یم،سینه مده درد و غم چوخدو
سینه مه توکولن پیکان دی اوخدو
دونیادا عدالت،حاق دیوان یوخدو
یئتیره دردیمی درمانا دئدی
علعسگر:
کس دولاندیرماسین خام خیالینی
جان قویان ایسته مز دونیا مالینی
یازیق علعسگرین عرضی حالینی
سروی خرامانا دئدین،نه دئدی؟
اعضای انجمن(324)
انجمنین قانون لاری
ائلی میانالی
mngh )
خانه
مطالب(168)
دوستان (156)
گالری تصاویر (359)
کلیپها (13)
نظرسنجی (1)
سایت و اپلیکیشن آموزش زبان انگلیسی urg.ir
چگونگی درج آگهی در سایت و قسمت تبلیغات
تلگرام 
فیسبوک
تویتر