شاه شاه اولسا قارا داشدا مکتوبون اوخور.

بیری واریدیر بیریسی یوخ

بیر شاه واریدیر آدی شاه عابباس، اوزی جسور، سوزی باتان، هر یئرده هر زامان. میللتی یاتاندا اوزی اویاق و سایاق.

بیر کنتده بیر قوجا کیشی واریدیر بیر قاریسی و اوزو یاشایردیلار. اونلارین بیر قارا اوکوزلری واریدیر کی قومشونون اوکوزیلن بیرلیکده جوت سوروب دن اکیب و اونو دارتیب دولاناردیلار.

بو قوجا کیشی بیر گون اوکوزون بوراخیدی زمیده اوتلاسین، اوزو یورقونلوقدان یوخلادی. بیر آز گئچدی بیر اوغری تاپیلدی و او اکوزو اوغورلادی آپاردی. قوجا یوخودان دوراندان سونرا هر نه آختاردیر اوکوزو تاپمادی.

چوخ فیکرلشدی شاه یادینا دوشدو. اوزونه دئدی کی بو شاه واریکن منیم اوکوزومو کیمسه آپارا بیلر. او یوخسا اوزون عادیل شاه عابباس آدلاندیرمیر؟ دوردی گئتدی شاه عابباسین ساراینا و دئدی کی منیم وار یوخ بیر اوکوزوم واریدیر اونودا سنین زامانیندا اوغورلادیلار. من بویله دوشونورم کی سن اوغورلایبسان یوخسا اوغرولار یوخ. چونکی سن بیزیم قوروخجوموزسان.

شاه عابباس قوجایا جواب وئردی کی بیر مکتوب یازیرام آپار اورادا کی اوکوزون ایتیب بیر داشین اوستونه قوی، بیر آی ایچینده اوکوزون تاپیلماسا بیرا دون عوضینه بیر اوکوز وئریم.

شاه نامه ده یازمیشدی کی: آی بو ماحالین حاکیمی فیلان زامانا قدر بو آدامین اوکوزون تاپیب وئرمه سن هم سنین مالیننان اونا بیر اوکوز وئرمه لیک همده ایشیندن چیخمالیسان.

کیشی مکتوبی آلدی یولا دوشدی و آپاردی مکتوبو قویدو اورادا بیر داشین اوستونه و اوینه گئتدی. بیر یولدان گئچن مکتوبی تاپیب شاهین موهرون گورمک همین حاکمیه یئتیردی. حاکیمده قورخوسوندان ماحالین هر یئرین گزدی و اوکوزو تاپیب صاحیبینه قایتاردی.

قوجا سوینرک دئدی کی: شاه شاه اولسا قارا داشدا مکتوبون اوخور.