فراموش کردم
اعضای انجمن(413) صفحه اصلی انجمن
جستجوی انجمن
علی شیرزاده (ali1024 )    

قــــــلم،واراغئنان دؤیؤشـمَکده دی

منبع : علی شیرزاده
درج شده در تاریخ ۹۴/۰۶/۱۲ ساعت 19:21 بازدید کل: 127 بازدید امروز: 124
 

قــلم،واراغئنان دؤیؤشمَکده دی

قــلم واراغــئنان،دؤیؤشمکده دی

اوراقلار ایتیلوب نـَه بیشمکده دی

حاققمیز آرادا  ، بـؤلــؤشمکده دی

اینسانلارین حاخسیزتؤکؤلور قانی

دؤنیاده حؤکم ائــدَن،عدالت هانی؟

 

زمانـَــه  دردیـــمی آغیرلاشــدئریر

صبریمین کاساسی،دولوب داشدئریر

هــرطرفده اؤرک سؤزون آشدئریر

حق سـؤزی دانیشان اولوبدور آجی

بیلن یوخ بُـو دردین نـَدیر علاجـی؟

 

گللر خزان اولور غـُنچه آچمامیش

سیندی قانادیمیز گؤیــه اوچمامیش

ووردیلا یئخیلدیق یولی قاچمامیش

آیـــریلانـــدان آزالیبدی   سایئمیز

بُوغولدوق گلمدی سُون هارایئمیز

 

سئر سؤزوموزهر طرفده یاییلدی

وار یوخوموز آغیزلاردا ساییلدی

نامرد اولان یوخوسوندان آییلدی

حلال  تیکه ، حرامئنان  قاتیلدی

آبیر، حَیا کــوچه لــرده ساتیلدی

 

باشیمیزا یاغان  رحمت  نئجولدی

آغ ساققالا اولان حؤرمت نئجولدی

جاوانلاردا ناموس،قیرت نئجولدی

ظولمون  یئلی هـر طرفده اسیلدی

رَحم  آزالـــدی بــرکتده   کسیلدی

 

حسرت قالدیخ زمانه ده خوش گؤنه

آغارتدی باشلاری دؤندردی یـُؤنـَه

بیر دردیمیز ایندی یئتیبدی ،  مینه

طُغیان ائـدوب ظولم ائدَنین آزاری

قیزیشوبــدی نامــردلیگین بازاری

 

مهربان اؤرکلــر دؤنؤبــدی داشا

گؤزلر بولود کیمی دولوبدی یاشا

اوشاقــی دیندیرجک   آتیلیر باشا

ساخلیان یـــوخ  آتا ، آنا حؤرمتین

عارف اولان چکیر دردین مُحنتین

 

گلون   یاشاماغی   گؤله   دؤندَرک

محبّتی جوشــــقون سئله  دؤنـدَرک

آجــی دیلی،شیرین دیله دؤنــــدرک

دنیاده درک ائده هـــر آرواد ،کیشی

اینسان اولماخلیقین چوخدور ارزشی

 

«شیرزاده»یازیبسان حقیقت سؤزی

یارادان یارادیب  گئجه ، گؤندوزی

گؤرمَگه  وئریبدی  ایشیقلی گؤزی

اینسان گرک دؤز یــولوندان آزمیا

هــــر گلـَنه   دریــن  قویـو  قازمیا

 

  **علی شیرزاده،هاواستانلی**

                 12/6/94

 

این مطلب توسط اسماعیل مختاری بررسی شده است. تاریخ تایید: ۹۴/۰۶/۱۳ - ۰۰:۴۷
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (2)