گئدیـــرَم وطَنی گؤرَم قایئدام

دوستلار  گئتمَلیَم سـالامات قالون

گئدیــرَم  وطنی گـــؤرَم  قایــئدام

نئچه دسته چئچَک وفالــی دوستا

داغــلار سینه سیندَن دَرَم قایئدام

آذربایجانیمدی  باشیمین  تاجی

باغیندا گل  آچیب میوه آغاجی

بایــرامدا  گؤروشَــرهَـر قارداش باجی

یاخیندان ائلیمی گــؤرَم قایئدام

دولانیب گئدَرَم گؤزل باغلارا

لاله لر بئتیرَن، اوجا داغلارا

یاشیل چمنلره گل بُـــوداقلارا

اؤزومی تورپاغا سَرَم قایئدام

« شیرزاده » چوخ ایستَرباجــی گؤلــمگین

قارداشلارباجئنین قَدرین بیلمَگین

تَبریک  دئیَم تَـــزه ایلین گلمگین

باجی بایــراملقین وئــرَم  قایئدام