فراموش کردم
اعضای انجمن(413) صفحه اصلی انجمن
جستجوی انجمن
علی شیرزاده (ali1024 )    

اؤره یمین گیزلین ســـؤزی سَن آنـا

منبع : علی شیرزاده
درج شده در تاریخ ۹۳/۱۱/۲۳ ساعت 01:59 بازدید کل: 111 بازدید امروز: 105
 

اؤره یئمین گیزلین ســؤزیسن آنا

دایاقسان اولادا، سن داغــلار کیمی

شیرین باروئریرسن بـُوداقلار کیمی

محبّتین جوشــور ،بُـولاقلار  کیمی

هــــر درده ،  مُحنته دؤزورسن آنا

اؤره یــمین گیزلین سـؤزی سن آنا

 

سنسیز خوش گؤنلریم زار اولور منه

گؤزل گؤللردؤنوب خار اولـور  منه

دونیا گؤزلـــریمده تار اولــــور  منه

ایشقلی گــؤنـدوزون اؤزی سـن  آنا

اوشاغین ،صُحبتی ســـؤزی سن آنا

 

چکدیین  زحمتین  بیلینمیر  سانی

اولادیوا قــــربان دئییرسن  جانی

بنادَن  اولـوبسان  محبّت  کانـــی

عشقین دریاسئنین اؤزی ســـن آنا

اؤره یـمین گیزلین سؤزی سن آنا

 

آیاغـــــین  آلتیندا  جنـّتین  باغــــی

دانیشدیریب گؤلدیرورسن اوشاغی

گـؤلنده دوداغـــون گؤلـــر دوداغی

حَیاتئمین گؤلـــر، اؤزی ســـن  آنا

اؤره یــمین گیزلین سؤزی سن آنا

 

یاتمازیـــدون دان اولـــــدوزی باتینجا

لای لای چالدون کؤرپه اوشاق یاتینجا

بسلـه ییرســـن   آرزیـــلارا  چاتینجا

یانار اؤرکلـــرین کــؤزی ســـن  آنا

اؤره یـمین گیزلین ســؤزی سن  آنا

 

ایسترسَـن اولادون تئز گلسین  بارا

دُعــادان اونودما دؤشمه سـین دارا

اینتظار گــؤزلرون  باخار یـوللارا

«شیرزاده نین»ایکی گؤزی سن آنا

اؤره یئنین گیزلین ســؤزی سـن آنا

آنالارا تقدیم ائدیرم

حؤرمتلی ومهربان آنالارا تقدیم ائـــــدیرم***ائل شاعیری :علی شیرزاده

 

این مطلب توسط اسماعیل مختاری بررسی شده است. تاریخ تایید: ۹۳/۱۱/۲۳ - ۱۱:۱۸
اشتراک گذاری: تلگرام فیسبوک تویتر
برچسب ها:

1
2
3
1 2 3


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (3)