فراموش کردم
اعضای انجمن(413) صفحه اصلی انجمن
جستجوی انجمن
علی شیرزاده (ali1024 )    

باشی مین بلایه سالیر قوجالیق

منبع : علی شیرزاده
درج شده در تاریخ ۹۳/۱۱/۱۲ ساعت 18:49 بازدید کل: 93 بازدید امروز: 89
 

باشی مین بلایه سالیر قوجالیق

باشیمدا ،قاشیمدا یؤن تک آغـاردی

داغــلارین باشینی،قــار آلان کیمی

خزان دوشدی گؤزل رنگیم سارالدی

مئشه دَه یارپاقلار ســارالان کیمی

 

جاوانلیق ایّامی گـــؤزل ، حیاتدی

آمما حایئف اولا تئز باشا چاتـــدی

طالع گتیرمــه دی بختیمده یاتدی

گـــؤنَشین یئرینی تار آلان کیمی

 

داخی دولانماقا یوخدی هوسیم

داغـــلاراچئخماغا گلمیر نفسیم

ایستَرم اوخویام توتولور سسیم

هَـــردَن قارالیرام،قارالان کیمی

 

ایستَدیگیم  یئره آیاقـیم   گئتمیر

سؤز کسَردن دؤشؤب دئدیگیم بیتمیر

چاغیرانــدا بیری قولاق ائشیتمیر

قولاقیم کار اولوب ،کار اولان کیمی

 

قوجالیق اینسانی نـَه حاله سالیر

گــــؤن  گیشدیکجه  محبّتلر آزالیر

عـاریفـــلر  دوره سین نادانـلار آلیر

گللرین دوره سین خار آلان کیمی

 

باشی مین بلایه سالیر قوجالیق

عؤمؤرون سُـونونا قالیر قــوجالیق

گیتدیکجه جانیمی آلیر قــوجالیق

عاشئقین جانینی،یار آلان کیمی

 

گـؤز ایشئقدان گئدوب گؤره بیلمیرم

آغاران ساچـــلاری هــؤره بیلمیرم

دانیشدیقیم سؤزی یـُورا  بیلمیرم

باغــریم یاریلیبدی ،یاریلان کیمی

 

من بیلورم قوجالمیشام اؤزومـده

باش آغریور،بئل آغریور،دیــزیمده

گئنیش دُنیا دار اولوبدی گؤزومده

یوخی گؤزلــــریمه دارالان کیمی

 

آی عـــزرائیل کسمه منیم  یانیمی

انصاف ایله حاقسیز تؤکمه قانیمی

« شیرزاده نین » هَله آلما جانینی

گؤناهسیزین جانین دار آلان کیمی

عکس خودم درسال 1354

علی شیرزاده درسال 1354

عکس س خودم درسال1393

علی شیرزاده درسال1393

 

 

 

 

 

 

این مطلب توسط اسماعیل مختاری بررسی شده است. تاریخ تایید: ۹۳/۱۱/۱۳ - ۰۰:۲۷
اشتراک گذاری: تلگرام فیسبوک تویتر
برچسب ها:

1
2
1 2


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (2)