فراموش کردم
اعضای انجمن(413) صفحه اصلی انجمن
جستجوی انجمن
علی شیرزاده (ali1024 )    

بو گؤزل بایراموز مبارک اولسون

منبع : علی شیرزاده
درج شده در تاریخ ۹۵/۱۲/۳۰ ساعت 15:34 بازدید کل: 129 بازدید امروز: 128
 

یاز گلیر آی  ائللر گئدک   داغلارا

شیرین میوه وئرن گؤزل  باغلارا

طبیعت قوینوندا   کئچن   چاغلارا

 

آرزیمدی اؤرکلر عشقیله  دولسون

بو گؤزل بایراموز مبارک اولسون

 

میانا   شــهَریم   کندیم   هاواســـتان

برکتلی   اولسون   باغیله  ،  بُستان

چئچکلر آچیلسین  اولسون  گلستان

 

دوسلار بیر بیرینه  وفالی  اولسون

بو گؤزل بایراموز مبارک اولسون

 

یاماجلاردا   اوجاقلاری   یانـــدیرون

یاشایئش یوردونی  یئنی دَن   قورون

سرین سویی بولاقلاردان  دولدورون

 

بولودلار هاوادا  یاغماقا هاوادا دولسون

بو  گؤزل   بایراموز   مبارک  اولسون

 

طبیعتده    گزون   گولشَن   چاقیندا

بولبوللر اوخوسون   گل  بوداقیندا

یوردوموزون   آرانیندا  ،  داغیندا

محبّت  کَـدَری   کؤکؤندَن   یُــولسون

بو گؤزل بایراموز  مبارک   اولسون

 

مرد  اولانی  آغلاتماسین   روزگار

گؤن  بولوتدا قالماز  اولار   آشکار

«شیرزاده» سؤزلرون قالدی یادگار

 

آذربایجانیمدا  ائللــر   وار اولسون

بو گؤزل بایراموز مبارک اولسون

 

 

 

علی شیرزاده،هاواستانلی مؤلف کتاب (ائل ســـؤزی)

این مطلب توسط میثم عظیمی. بررسی شده است. تاریخ تایید: ۹۵/۱۲/۳۰ - ۱۷:۳۸
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (3)