فراموش کردم
اعضای انجمن(413) صفحه اصلی انجمن
جستجوی انجمن
اکبر پاشایی (achachili )    

تشریف گتیر زیریللا، آقای حاجی مایلی

درج شده در تاریخ ۹۰/۰۲/۳۰ ساعت 21:05 بازدید کل: 751 بازدید امروز: 145
 

 

تیراختور-سایپا اویونوندان سونرا دوزه‌نله‌نن باسین توپلانتیسیندا، سایپا تیمیٰ نین سرمربی‌سی، سهند ایستادیوموندا تیراختور یانداشلاری وریندن، اویون حاکیمی هابئله ایران فدراسیونو سوروملولارینا قارشی سسله‌نن شوعارلارا تپکی اولاراق، زیریلتی ایلا گؤزلریندن یاش آخدیردی.مایلی کهن هؤنکوروب ایچین چکه‌رک "تبریزلی‌لر قهرمان، دلاور، مرد دیرلر" دئیه، اؤز شاشقینلیغین بو ایشدن بیلدیردی.بیرینجی دؤنه ایدی ایران فوتبال تاریخینده مردلیگین، بیر اوزلولوگون سیمگه‌سی اولان مایلی کهن!!!  ننه سی‌نین، بالالاری‌نین هابئله نوه‌لری‌نین روحونا آند ایچیدیکده بئل بیر ایفاده‌لری قوللاندی: واللاه من بئله فوتبالی ایسته‌میرم؛ من بو دورومدان ناراحاتام و...

همن سؤیله شینی چوخ ائحتیماللا سیزده گؤرموشسونوز.

 

بوگون 1390-جی ایل اردیبهشت آیی‌نین 30-و صنعت نفت تیمی‌نین یانداشلاری بؤیوک بیر آغ پارچا اوزه‌‌رینده  قیریمیزی ائششک شکلینی باسدیرمیش،  تئلئویزیون دوربین‌لری قاباغیندا گؤستردیلر. یادینیزدا اولورسا ملوان- تیراختور اویونوندا دا ملوان یانداشلاری تورک‌لره یؤنه‌لیک یامان یوووز بنری یازدیریب،  ورزشگاهین بیر بوجاغیندان آسمیشدیلار. تیراختورون بوتون تبریز ائشیگی اویونلاریندا بئله بیر اولایلار باش وئرمیشدیر. تورکلره قارشی سوردورولن کیچیمسه‌مه لر، اوزونه یاشماق تاخمیش رسمی  بیر سیاست اولاراق ایران‌دا بوتون کولتوره‌ل،توپلومسال،سیاسال آلانلاردا  یایغین‌دیر.او جومله‌دن قزئته‌لر، سینما فیلم‌لری، رادیو تئلویزیون وئریلیش‌لری و...

 

ایندیه دک بیری وار ایدی بئله بیر حادیثه‌لره گؤز یاشی تؤکسون؟ هاردا ایدی 85-جی خورداد آیی دؤوله‌تین رسمی روزنامه سی"ایران" ، تورکلری حامام بؤجه‌یینه بنزه‌تدییینده باشینا دؤیوب زیرللایان مایلی کهن کیمی آغالار؟

بو اوره‌یی کؤوره‌ک آغالار اورموگؤلونون قورودولماسینا ندن اوره‌کلری کؤوره‌لیب آغلامیرلار؟؟

 

مایلی کهن‌لر کرماندا سسله‌نن یامانلارا آغلاماقلاری گلدی می؟

تیراختور-پرسپولیس هابئله تیراختور-ایستیقلال اویونوندا ائشیتدیییمیز میندار سؤزلره  ندن آغلامیردیلار بو قورساغی یاغ گؤتورمه‌ین ؛اینسان جیلدینه گیرنلر؟

بو قونو ایلا ایلگی‌لی فرانتس فانونون "استعمار میرا آدلی کیتابیندان ایکی-اوچ جومله گتیرمه‌یی  یئرلی گؤرورم.

"ملت استعمارزده، ناچار است با توسل به قدرت مبارزه خود و قابلیت خویش در مبدل شدن به ملتی یگانه و نیز با پاکی و خلوص هر یک از اعمال خود، ثابت کند که حتی در جزئی ترین نکات، ملتی است از هر جهت بی غل و غش و بر خویشتن مسلط. اما اینها همه کاری است بس مشکل." ص24

 

همن کتابین 24-جو صفحه‌سینده تزه‌دن بئله بیر جومله یازیلمیش:

"هرگاه ملتی استعمارزده نخواهد که «ملل غربی» او را از نظر اخلاقی محکوم کنند، ناچار است که «بازیگر نقش ملایمت و انصاف» باشد حال آنکه حریف با آرامش وجدان در راه کشف وسائل تازه‌ی اعمال خشونت، وحشت و افترا و توهین گام بر میدارد."

"ما از آن رو که خواهان وطنی دمکراتیک و نوساخته هستیم و از رو که یقین داریم نمی شود به پا خواست و خود را در زمینه ای آزاد ساخت و در زمینه‌ی دیگری گرفتار، قصد نداریم بر واکنشهای آنی هموطنان خود صحه بگذاریم. ما وضع آنها را درک میکنیم، ولی نه قادریم آنها را معذور بداریم و نه طرد کنیم." ص 25

تاریخ آخرین ویرایش مطلب: تاریخ آخرین ویرایش: ۹۰/۰۲/۳۰ - ۲۱:۰۵
اشتراک گذاری: تلگرام فیسبوک تویتر
برچسب ها:

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (3)