فراموش کردم
اعضای انجمن(160)
جستجوی انجمن
احمد اسماعیلی (AHMAD177 )    

محمود صادقپور متخلص به شامی متولد 1327 شهرستان اورمیه روستای بارجوق

درج شده در تاریخ ۹۶/۰۱/۲۸ ساعت 21:35 بازدید کل: 228 بازدید امروز: 227
 

 

     

 شعر" دیلین وار سنین" از

محمود صادقپور  متخلص به شامی

 

متولد 1327 شهرستان اورمیه روستای بارجوق

--------------------------------------------

                                                                                                                                                    --------------شامی

فارسی قیریلداتما دیلین وارسنین/ سن اگر بولبولسن گولون وارسنین
قهرمان خلقیمیز گؤزتیکیب سنه/ فرهنگی تالانمیش ائلین وارسنین
سن گؤزه‌ل سوناسان هر سویا دوشمه/ اوزمه یه دوم دورو گؤلون وارسنین
اگر بولود اولسان یاغ قوراخلیقا/ سویاحسرت قالمیش چؤلون وارسنین
«یاغ اولوب یاندیرما یادلار چیراغین»/ قارانلیق آیلارین، ایلین وارسنین
دئمیرم فارسیجا یازابیلمیرسن/ چوخ گؤزل یازیرسان الین وارسنین
آمما نئجه دئییم فارسی‌دان گؤز‌ل/ قیلینج کیمی کسگین دیلین وارسنین
سعدی نی حافظ ی چوخدا ازدیرمه/ معجز ون، وورغونون، لعلی‌ن وارسنین
آرخالان بابکه رستم نه چی‌دیر؟/ دانالار باسماقا کلین وارسنین
نسیمی، خطایی، واقف، فضولی/ «دده قورقود» کیمی اولون وار سنینن
«اؤزئیر»، «هابیل»ین، سازین کامانین/ بولبول چهچهه‌لی تئلین وارسنین
ایزین داش دؤورونه گئدیب یئتیشیب/ سومئرلره باغلی بئلین وارسنین
سوُلور اؤز باغین‌دا گوللر، چیچک‌لر/ اوز وئرمه تیکان لارا گولون وارسنین
آی عاشیق چال اوخو آنا دیلین‌ده/ سازین‌دا خوش بمین زیلین وارسنین
تورکو نغمه ایستیر یانیق کونلوموز/ سدّی ییخ قوی گه‌له سئلین وارسنین
پاشالار باغیندا بوقوللوق نه‌‌دیر؟/ اونودما! بیر «چنلی بئلین» وارسنین
شاعیرلر جوشدوران سولو، صفالی/ «آرازین»، «موغان»ین «میل*»ین‌وار سنین
وورولما یادلارین گؤزل لرینه/ ائلین ده چوخ اینجه بئلین وارسنین
سن یوگور میدانا«کور اوغلو» کیمی/ مین لرله‌ های باسان اَرین وارسنین
«دورنا»سان قاققیلدا، سس وئر سسیمه/ قاطاردان آیریلما یولون وارسنین
اَلین وئر الیمه داغلار آشیراق/ بیلیرم قودرتلی قولون وارسنین
«شامی» یم یالقیزام یوخدور کومگیم/ گل اکک بو باغی، بئلین وارسنین
دایانما! شعریمین تئز وئر جوابین/ اگر بو مئیدان دا فعلین وارسنین

 

این مطلب توسط میثم عظیمی. بررسی شده است. تاریخ تایید: ۹۶/۰۱/۲۹ - ۰۶:۴۴
اشتراک گذاری: تلگرام فیسبوک تویتر
برچسب ها: شعری از شامی 1

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
تبلیغات
کاربران آنلاین (1)