دونیا آنا دیلی گونو مناسبت ایله... - ائلشن مییانالی

اخبار میانه

اخبار کلی

امتیاز : 5 از پنج

بازدید کننده : 156 نفر

فئورال آیی نین 21 - اینجی گونو، دونیا آنا دیلی گونو، بوتون آزربایجان خالقینا و اؤزللیکله بو یولدا امیی اولانلارا و چالیشانلارا، قوتلو و اوغورلو اولسون.

پروفسور دوکتور محمد تقی زهتابی (کیریشچی) نین بیر گؤزل شئعیری ایله بو گونو قوتلورام و یاخین گله جک ده، بو یولدا بؤیوک باشاریلار دیله یرم....

سو دئییب دیر منه اولده آنام

"سو" دئییب دیر منه اولده آنام، آب کی یوخ

"یوخو" اؤیرتدی اوشاقلیقدا منه، خواب کی یوخ

ایلک دفعه کی "چؤرک" وئردی منه، نان دئمه دی

ازلیندن منه "دوزدانه"، نمکدان دئمه دی

آنام، اختر دئمه ییب دیر منه، "اولدوز " دئییب او

سو دوناندا، دئمه ییب یخ دی بالا، "بوز" دئییب او

"قار" دئییب، برف دئمه ییب، دست دئمه ییب، "ال" دئییب او

منه هئچ واخت بیا سؤیله مه ییب، "گل" دئییب او

یاخشی خاطیرلاییرام، یاز گونو آخشام چاغی لار

باغچانین گون باتانیندا کی، ایلیق گون یاییلار

گل دئیه ردی، داراییم باشینی، ای نازلی بالام!

گلمه سن گر، باجینین آستاجا زولفون دارارام

او دئمه زدی کی، بیا شانه زنم بر سر تو

گر نیایی بزنم شانه، سر خواهر تو

بلی، داش یاغسادا گؤیدن، سن او سان من ده بویام

وار سنین باشقا آنان، واردی منیم باشقا آنام

اؤزومه مخصوص اولان باشقا ائلیم واردی منیم

ائلیمه مخصوص اولان باشقا دیلیم واردی منیم

ایسته سن قارداش اولاق، بیر یاشایاق، بیرلیک ائدک

وئریبن قول-قولا، بوندان سورا بیر یولدا گئدک

اولا، اوزگه کولک لرله گرک آخمایاسان

ثانیا، وارلیغیما، خالقیما خور باخمایاسان

یوخسا گر زور دئیه سن ملتیمی خوار ائده سن

گون گلر، صفحه چونر، مجبور اولارسان گئده سن

یاشاسین آزربایجان - یاشاسین مییانا

	ائل آتماز میانالی(turkoglan68 )	1388/12/2 - 12:22:35
یاشاسین آنامیز آزربایجان

آلفا :	1388/12/2 - 20:45:13
سایت فروش آنلاین کتاب و سایر محصولات فرهنگی هنری آذربایجان http://yurd.ir

	امیر حان(bozgush )	1388/12/5 - 14:45:40
yashasin turk

مهدی :	1388/12/5 - 22:06:36
سلام با مطلب " 21 فوریه روز جهانی زبان مادری" به روزم لطفا نظر بدید[گل] www.in-rooz-ha.persianblog.ir

ائلشن :

1388/12/6 - 10:09:46

با تشکر از توجه شما دوست عزیز.
چند مورد رو لازم دیدم که گوشزد کنم.
1. تعداد متکلم به زبان تورکی آزربایجانی 30 میلیون نفر می باشد (فقط در ایران).
2. درست از که زبان تورکی آزری یکی از لهجه های زبان فارسی نیست ولی حتی این دو زبان هم ریشه هم نیستند! زبان تورکی جزو زبانهای التصاقی می باشد نه هند و اروپایی!

لوگین شوید تا امکان حذف نظرتان وجود داشته باشد.اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.

کاربران آنلاین

	یاشار قورتولوش
	عرفان شجاعی
	دیا اوکو

تبلیغات

شبکه اجتماعی مردم ایران

raters750;342;3;